《阿鳳姨ê五度ê空間》

Tsháu-soh..草索

作者 A-hōng-î....漢羅翻寫: Ahing

listen


插圖: Sherry Thompson
錄音: 吳令宜, 蔣由信, 陳豐惠

Tsi̍t tiâu tsháu-soh phu̍ah tī tshiū-á-ue.
一條草索phu̍ah tī樹á-ue。
Tsi̍t tsiah thòo-á tùi hia kùe.
一隻兔á tùi hia過。
Tsháu-soh kóng: “Gúa sī tsûa.”
草索講:“我是蛇。”
Thòo-á kiann-tsit(=tsi̍t)-ē piànn-lé-tsáu.
兔á驚一下piànn-lé走。
Tsit ê gin-á tùi hia kùe.
一個gín-á tùi hia過。
Tsháu-soh kóng: “Gúa sī tsûa.”
草索講：「我是蛇。」
Gín-á kiann-tsi̍t-ē bè-bè-háu.
Gín-á驚一下bè-bè哮。
Tsi̍t búe tsûa tùi hia kùe.
一尾蛇tùi hia過。
Tsháu-soh kóng: “Gúa sī tsûa.”
草索講：「我是蛇。」
Tsûa kóng: “Ùe! Lí, Tá-tsi̍t thâu sī thâu?”
蛇講：「Ueh！你，Tá一頭是頭？」