《阿鳳姨ê五度ê空間》

Tsio̍h-sai...石獅

作者 A-hōng-î....漢羅翻寫: Ahing

listen



(插圖: Sherry Thompson)
錄音: 吳令宜, 蔣由信, 陳豐惠

Biō-kháu tsi̍t tsiah tsio̍h-sai tsin bô-liâu.
廟口一隻石獅真無聊。
I kiò tsi̍t tsiah káu lâi sio-thè-ūann,
伊叫一隻狗來相替換，
Siūnn-bueh tshut-khì sì-kè khùann.
想bueh出去四界看。
Tshī-á ê lâng tsin tio̍h-kiann,
市á ê人真tio̍h驚，
Kúann-kín khì kiò kìng-tshat kín lâi kúann.
趕緊去叫警察趕來趕。
Kìng-tshat kúann i khì tshim-suann.
警察趕伊去深山。
Tshim-suann ê tōng-bu̍t kúann-kín tsáu.
深山ê動物趕緊走。
Tsio̍h-sai khùann lâng bô huan-gîng,
石獅看人無歡迎，
Tńg-lâi kah káu sio-thè-ūann,
Tńg來kah狗相替換，
Huann-huann-hí-hí kòo biō-kháu.
歡歡喜喜顧廟口。