《阿鳳姨ê五度ê空間》

Tsúi-ke Tsē Tsio̍h-lún....水雞坐石lún

作者 A-hōng-î....漢羅翻寫: Ahing

listen



插圖: Sherry Thompson
錄音: 吳令宜, 蔣由信, 陳豐惠

Suann-phiânn tsi̍t lia̍p tsio̍h-lún.
山phiânn 一粒石lún。
Tsháu-koo kā tòng-tiâu--leh.
草菇kā擋tiâu--leh。
Tsi̍t tsiah tsúi-ke thiàu-khit-lì tsē.
一隻水雞起lih坐。
Tsháu-koo tòng-bē-tiâu.
草菇擋bē-tiâu。
Tsio̍h-lún kō-kō-liàn.
石lún kō-kō-liàn。
Tsúi-ke pho̍k-pho̍k-thiàu.
水雞pho̍k-pho̍k跳。
Tsio̍h-lún tiô-tsi̍t-ē, tsúi-ke tò-thâu-tsai,
石lún tiô 一下，水雞倒頭tsai，
Siak--lo̍h--lâi, kauh-tsi̍t-ē pínn-pínn-pínn.
Siak落來，kauh一下扁扁扁。
Tsi̍t-sî-á, tsúi-ke koh-tsài phòng--khit--lâi,
一時á，水雞koh再phòng起來，
Thiàu-khit-lâi jiok tsio̍h-lún, jiok tùi suann-kha khì.
跳起來jiok石lún，jiok tùi山腳去。