《阿鳳姨ê五度ê空間》

Kâu-ông...猴王

作者 A-hōng-î....漢羅翻寫: Ahing

listen


插圖: Sherry Thompson
錄音: 吳令宜, 蔣由信, 陳豐惠

Tsi̍t tsiah kim-kong puann-lâi tùa suann-nâ,
一隻金剛搬來ùa山林，
Kâu kiann-kà bueh phùa-tánn.
猴驚kah bueh破膽。
Tsi̍t tsiah kâu-á-kiánn tsin pá-ha̍k.
一隻猴á囡真飽學。
I kóng: “Sìng-king ū kóng tsi̍t ê Tāi-pi̍t-ông.
伊講：“聖經有講一個大衛王。
“I iōng tsio̍h-thâu phah-pāi tūa kim-kong.
“伊用石頭phah敗大金剛。
“Lán mā iōng tsio̍h-thâu lâi tí-khòng.
“咱mā用石頭來抵抗。
“Nā sîng-kong, lín tio̍h hû gúa tsò kâu-ông.”
“Nā成功，lín tio̍h扶我做猴王。”
Kâu tiō khioh tsio̍h-thâu, khian kim-kong,
猴tio̍h拾石頭，khian金剛，
Ná khian，ná tsáu，sùann-liáu-liáu.
Ná khian，ná走，散了了。
Kâu-á-kiánn soh(=suah) bián siūnn-bueh tsò kâu-ông.
猴á囡suah免想bueh做猴王。