《阿鳳姨ê五度ê空間》

Lí-hî Khùann Lâng...鯉魚看人

作者 A-hōng-î....漢羅翻寫: Ahing

listen

錄音: 吳令宜, 蔣由信, 陳豐惠

Hūi-tsú tsē tī tsúi-pinn khùann lí-hî.
惠子坐tī水邊看鯉魚。
Oo lí-hî kā âng lí-hî kóng:
烏鯉魚kā紅鯉魚講:
“ Hit ê lâng siūnn-bueh kā lán lia̍h.”
“Hit ê人想bueh kā咱掠。”
Âng lí-hî kóng: “Lí ā m̄-sī i,
紅鯉魚講:“你ā m̄是伊，
“Lí ná tsai-iánn i siūnn-bueh kā lán lia̍h?”
“你ná知影伊想bueh kā咱掠？”
Oo lí-hî kóng: “Lí ā m̄-sī gúa,
烏鯉魚講:“你ā m̄是我，
“Lí ná tsai-iánn gúa tsai-iánn siánn?”
“你ná知影我知影啥？”
“Hit ê lâng siūnn-bueh kā lán lia̍h.
“Hit-ê人想bueh kā咱掠。
“Tiō(=tio̍h)-sī siūnn-bueh kā lán lia̍h.
“Tiō(=Tio̍h)是想bueh kā咱掠。
“M̄-siàn, lí mn̄g i khùann ū-iánn a̍h bô-iánn.”
“M̄-siàn，你問伊看有影 a̍h無影。”