《阿鳳姨ê五度ê空間》

Nāu-tsing...鬧鐘

作者 A-hōng-î....漢羅翻寫: Ahing

listen

錄音: 吳令宜, 蔣由信, 陳豐惠

A-lí-suh ê sè-kài ta̍k-hāng tsin kî-kùai.
A-lí-suh ê世界ta̍k項真奇怪。
Tsi̍t ê nāu-tsing lâi gúa bīn-thâu-tsîng,
一個鬧鐘來我面頭前，
Ba̍k-tsiu tshiò-kà bui-bui-bui,
目睭笑kah bui-bui-bui，
Tshùi-kak khiàu-khiàu, kóng: “Tsa̍p tiám, kùe tsa̍p hun-tsing.
嘴角khiàu-khiàu，講:「十點，過十分鐘。」
“Khuann-khuann khùann. Bián kúann-kín.”
「Khuann-khuann khùann。免趕緊。」
Koh tsi̍t ê nāu-tsing lâi gúa bīn-thâu-tsîng,
Koh一個鬧鐘來我面頭前，
Ba̍k-tsiu ok-kà(=kah) tshenn-gîn-gîn,
目睭惡kà(=kah) tshenn-gîn-gîn，
Tshùi-kak sûe-sûe, kóng: “Tshit tiám, kùe jī-gōo hun-tsing.
嘴角sûe-sûe，講:「七點，過二五分鐘。」
“Tann, lí iáu m̄ kúann-kín!”
「Tann，你iáu m̄趕緊！」
Gúa tshuah-tsi̍t-ē, pu̍ah-lo̍h bîn-tshn̂g-kha, suah tsing-sîn.
我tshuah一下，跋落眠床腳，煞精神。