《阿鳳姨ê五度ê空間》

Niau Lia̍h Niáu-tshí...貓掠老鼠

作者 A-hōng-î....漢羅翻寫: Ahing

listen

錄音: 吳令宜, 蔣由信, 陳豐惠

Koo-ta̍k-niau tsin hó-miā,
Koo-ta̍k貓真好命，
Ta̍k ji̍t sńg tiān-tōng niáu-tshí.
Ta̍k日sńg電動老鼠。
Tiān-tōng niáu-tshí tsin hó-lia̍h,
電動老鼠真好掠，
Sńg kùan-sì, tsin ê niáu-tshí bô tshù-bī.
Sńg慣sì，真ê老鼠無趣味。
Koo-ta̍k-niau sńg tiān-tōng niáu-tshí,
Koo-ta̍k貓sńg電動老鼠，
Sńg-thiám, khùn phòng-í.
Sńg-thiám，睏膨椅。
Phòng-í ē-kha bih niáu-tshí,
膨椅下腳bih老鼠，
Tshut-lâi sńg tiān-tōng niáu-tshí.
出來sńg電動老鼠。
Koo-ta̍k-niau khùann-tio̍h tsin siūnn-khì,
Koo-ta̍k貓看tio̍h真生氣，
Bueh liāh tsin ê niáu-tshí.
Bueh掠真ê老鼠。