《阿鳳姨ê五度ê空間》

Oo-a Tshùi-ta...烏鴉嘴乾

作者 A-hōng-î....漢羅翻寫: Ahing

listen


Oo-a tsin tshùi-ta,
烏鴉真嘴乾，
Tshūe-tio̍h tsi̍t ki tsúi-pân-á.
Tshūe-tio̍h一支水瓶á。
Tsúi-pân-á ê tsúi kan-na tsi̍t-sut-á.
水瓶á ê水kan-na一屑á。
Oo-a tiō khì khioh tsio̍h-thâu-á,
烏鴉tio̍h去拾石頭á，
Lâi kā tsúi-pân-á thūn-kà tsúi tīnn-múa-múa.
來kā水瓶á thūn-kah水tīnn滿滿。
Oo-a tú bueh tsia̍h, tsi̍t tsiah hôo-lî lâi kàu tsia,
烏鴉tú bueh食，一隻狐狸來到tsia，
Lòng-tio̍h oo-a, tshia-tó tsúi-pân-á.
Lòng-tio̍h烏鴉，tshia倒水瓶á。
Tsúi lâu-kà tsi̍t thôo-kha.
水lâu-kah tsi̍t土腳。
Hôo-lî kóng: “ Hm̀. Gúa tsin tshùi-ta.”
狐狸講:「Hm̀。我真嘴乾。」
Tiō kā tsúi tsūinn-kà ta-ta-ta.
Tio̍h kā水tsūinn-kah乾乾乾。