《阿鳳姨ê五度ê空間》

Phàng-khù

作者 A-hong-î...漢羅翻寫:Ahing

listen

A-hái sái-tshia, tsîng-lián phàng-khù-.khì,
A-hái駛車，前lián phàng--khù去，
M̄-kánn khì ta̍h bu-lè-khì.
M̄敢去踏bu-lè-khì。
A-bín-î siūnn-tio̍h tsi̍t ê hó pān-huat:
A-bín姨想tio̍h一個好辦法:
Līng-gūa hit lián tsîng-lián, hong làu-tiāu.
另外hit lián前lián，hong làu-tiāu。
A-hái sái-tshia, giōng-bueh tshia-pùn-táu.
A-hái駛車，giōng-bueh tshia-pùn-táu。
A-bín-î koh siūnn-tio̍h tsi̍t ê hó pān-huat:
A-bín姨koh想tio̍h一個好辦法：　
Āu-lián ê hong mā làu-tiāu.
後lián ê hong mā làu-tiāu。
A-hái sái-tshia phi̍h-pho̍k-thiàu.
A-hái 駛車phi̍h-pho̍k跳。
A-bín-î koh siūnn-tio̍h tsi̍t ê hó pān-huat:
A-bín姨koh想tio̍h一個好辦法：
Sì lián lóng-tsóng ka pak-tiāu.
四lián lóng總ka pak-tiāu。