《阿鳳姨ê五度ê空間》

Pu̍ah-lo̍h Thài-khong...跋落太空

作者 A-hong-î...漢羅翻寫Ahing

listen

Pu̍ah-lo̍h bîn-tshn̂g;
跋落眠床；
Pu̍ah-lo̍h thài-khong.
跋落太空。
Sing-khu khin-khin.
身軀輕輕。
Thâu-khak gông-gông.
頭殼gông-gông。
Lú pu̍ah lú kín.
Lú跋lú kín。
Lú pu̍ah, lú àm....
Lú跋，lú暗....
A! Hia ū kng.
Ah！Hia有光。
A! He kám m̄-sī gúan tshù?
Ah！He kám m̄是阮厝？
A! Gúan pâng-king ê thang-á-mn̂g!
Ah！阮房間ê窗á門！
A9-à! Tńg-lâi-kà gúan ê bîn-tshn̂g.
A9-à！Tńg來到阮ê眠床。