《阿鳳姨ê五度ê空間》

Sàu-tsiú...掃帚

作者 A-hong-î...漢羅翻寫Ahing

listen

Bû-pô khiâ sàu-tsiú teh ūn-tōng.
巫婆騎掃帚teh運動。
Nn̄g ê bû-pô khih sio-tsông,
兩個巫婆去sio-tsông，
Khì-kà khí sio-phah,
氣kah起sio-phah，
Gia̍h sàu-tsiú khit-lâi kòng.
舉掃帚起來kòng。
Sàu-tsiú kòng-lak-.khì,
掃帚kòng-lak去，
Bû-pô siak-lo̍h-.khì,
巫婆siak落去，
Kā sàu-tsiú teh tsò ku̍eh.
Kā掃帚teh tsò ku̍eh。
Sàu-tsiú hāi-.khì, bē-tàng pue,
掃帚hāi去，bē-tàng pue，
Bû-pô tàn-hìnn-sak,
巫婆tàn-hìnn-sak，
A-pô khioh lâi tshíng piah-kak.
A婆拾來tshíng壁角。