《阿鳳姨ê五度ê空間》

Sua-hî kah Lông...鯊魚kap狼

作者 A-hong-î...漢羅翻寫Ahing

listen

Sua-hî tī hái-pinn tú-tio̍h lông,
鯊魚tī海邊tú-tio̍h狼，
Ùan-thàn jîn-lūi ka uan-óng,
怨嘆人類ka冤枉，
Ùan-thàn jîn-lūi oo-pe̍h kóng.
怨嘆人類烏白講。
“Jîn-lūi kā lán kóng-kà tsin pháinn-thiann.
「人類kā咱講kah真歹聽。
“Jîn-lūi phò-hūai lán ê miâ-siann.”
「人類破壞咱ê名聲。」
Tsi̍t tīn gín-á lâi hái-pinn, bueh sńg-tsúi,
一陣gín-á來海邊，bueh sńg水，
Khùann-tio̍h sua-hî kah lông, tsin tio̍h-kiann.
看tio̍h鯊魚kap狼，真tio̍h驚。
Sua-hî kóng: “Bián-kiann, bián-kiann.
鯊魚講:「免驚，免驚。
“Gúan pak-tóo iáu-būe iau.”
「阮腹肚iáu-būe iau。」
Gín-á iáu-sī tsáu-liáu-liáu.
Gín-á iáu是走了了。