《阿鳳姨ê五度ê空間》

Bán Tshenn...Bán星

作者 A-hōng-î....漢羅翻寫:Tsuniok

listen

插圖: Sherry Thompson
錄音: 吳令宜, 蔣由信, 陳豐惠

Sìng-tàn-mê, thôo-kha tsûan-tsûan seh,
聖誕暝，土腳全全雪，
Thinn-tíng tsûan-tsûan tshenn.
天頂全全星。
Săn-tá Khu-lòo-sù tùi tsia kùe,
San-tá Khu-lòo-sù tùi tsia 過，
Tsài gúa khì bán tshenn.
載我去bán星。
Tsi̍t lia̍p âng, tsi̍t lia̍p n̂g, tsi̍t lia̍p tshenn,
一粒紅，一粒黃，一粒青，
Bán-bán tsi̍t pòo-tē,
Bán-bán一布袋，
Bán-tńg-lâi tiàu tùa sìng-tàn-tshiū.
Bán-tńg來吊tùa聖誕樹。
Sìng-tàn-tshiū, sih-ā-sih.
聖誕樹， sih-ā-sih。
Ma-ma khùann-kà(=kah) hìng-tshih-tshih,
Ma-ma看kà(=kah)興tshih-tshih，
Kiò Săn-tá Khu-lòo-sù tsài i khì bán tshenn.
叫San-tá Khu-lòo-sù 載伊去bán星。