《阿鳳姨ê五度ê空間》

Tūa-tshîng-tshiū...大榕樹

作者 A-hong-î...漢羅翻寫Ahing

listen

Lōo-thâu tsi̍t tsâng tūa-tshîng-tshiū,
路頭一欉大榕樹，
Tshiú tshun-tn̂g-tn̂g, kâng ìm-ńg.
手tshun長長，kâng蔭影。
Tshîng-á-tshiu, thìng-hó hàinn tshian-tshiu.
榕á鬚，thìng好hàinn tshian-tshiu。
Tshîng-á-hio̍h, áu-lâi pûn-kà pu-pu-kiò.
榕á葉，拗來pûn-kah pu-pu叫。
Tshîng-á-tíng, gín-á teh tûi tshîng-á-ling.
榕á頂，gín-á teh槌榕á-ling。
Tshîng-á-kha, hùan-á teh bē ping.
榕á腳，販á teh賣冰。
Ū-tsi̍t ji̍t, tūa-tshîng-tshiū hōo lâng tshò-kà tshing-tshing-tshing.
有一日，大榕樹hōo人剉kah清清清。
Lōo-thâu pìnn tshài-tshī; tiàm-á teh bē ping.
路頭變菜市；店á teh賣冰。
Gín-á bô-liâu, bô-tè khì,
Gín-á無聊，無tè去，
Kui ji̍t khùann tiān-sī.
Kui日看電視。