《阿鳳姨ê五度ê空間》

Tōng-bu̍t ê Thâu...動物ê頭

作者 A-hong-î...漢羅翻寫Ahing

listen

Phah-la̍h--ê kā tōng-bu̍t ê thâu tìng tùa piah,
Phah獵--ê kā動物ê頭釘tùa壁，
Tìng-tìng kui kheh-thiann,
釘釘kui客廳，
Ā-ū kiunn-á, ā-ū iûnn-á, ā-ū tsúi-gû-káng.
Ā有羌á，ā有羊á，ā有水牛káng。
In kiánn khùann-khùann--le,
In kiánn看看--leh，
Tùa piah óo tsi̍t khang,
Tùa壁挖一孔，
Thâu-khak ùi piah hit pîng tshun--ji̍p--lâi.
頭殼ùi壁hit pîng tshun--入--來。
Phah-la̍h--ê lóng m̄-tsai,
Phah獵--ê lóng m̄知，
Kā tōng-bu̍t ê thâu tián hōo lâng-kheh khùann.
Kā動物ê頭展hōo人客看。
Lâng-kheh khùann-khùann-le,
人客看看--leh，
Kóng: “Tsit lia̍p lâng-thâu siāng-kài u̍ah.”
講:「這粒人頭siāng-kài活。」