《阿鳳姨ê五度ê空間》

愛麗絲ê頷頸á

作者 A-hong-î...漢羅翻寫Ahing

br>A-lí-suh ê ām-kún-á tn̂g-.khit-.lâi,
愛麗絲ê頷頸á長起來，
Thâu-khak kûan-kûan, tshin-tshiūnn kî-lîn-lo̍k,
頭殼高高，親像kî-lîn-lo̍k，
Tham-thâu bueh kah tsiáu-á kóng-ūe,
Tham頭bueh kah鳥á講話，
Tsiáu-á pue-liáu-liáu.
鳥á飛了了。
A-lí-suh ām-kún-á uan-uan, tshin-tshiūnn gô,
愛麗絲頷頸á彎彎，親像鵝，
Ànn-thâu bueh kah gín-á kóng-ūe,
Ànn頭bueh kah gín-á講話，
Gín-á tsáu-liáu-liáu.
Gín-á走了了。
A-lí-suh kám-kak-tio̍h tsin bô-liâu,
愛麗絲感覺tio̍h真無聊，
Tó-lo̍h-khì tshiū-á-kha khùn,
倒落去樹á腳睏，
Ām-kún-á tshiūnn tsûa, khûn kui khûn.
頷頸á像蛇，khûn歸khûn。