《阿鳳姨ê五度ê空間》

A9-m̀一下

作者 A-hong-î...漢羅翻寫Ahing

A-ka in a-kong phùa-pēnn, ài lâng tshī.
A-ka in阿公破病，ài人tshī。
A-ka tsì-gūan tshī in a-kong, koh tshī in ti-ti9(=ti).
A-ka志願tshī in阿公，koh tshī in弟弟。
I khat in a-kong ê mûai, khat tsi̍t thng-sî,
伊khat in阿公ê mûai，khat一湯匙，
Kóng: “A-kong. Lâi. Am9! Tshùi peh-khui.”
講:「阿公。來。Am9！嘴peh開。」
In a-kong, thâu-khak hàinn-hàinn-.le, tshùi mi-mi.
In阿公，頭殼hàinn-hàinn--leh，嘴mi-mi。
A-ka ūann khat in ti-ti9 ê mûai, khat tsi̍t thng-sî,
A-ka換khat in弟弟ê mûai，khat一湯匙，
Kóng: “Ti-ti9. Lâi, Am9! Tshùi peh-khui.”
講: 「弟弟。來，Am9！嘴peh開。」
In ti-ti9 a9-.m3-.tsi̍t-.e7, tsia̍h-lo̍h-khì.
In弟弟a9-m̀一下，食落去。
A-ka koh khat in ti-ti9 ê mûai, khat tsi̍t thng-sî,
A-ka koh khat in弟弟ê mûai，khat一湯匙，
In a-kong a9-.m3-.tsi̍t-.e7, ka tsia̍h-khì.
In阿公a9-m̀一下，ka食去。