《阿鳳姨ê五度ê空間》

Tsháu-lâng..草人

作者 A-hōng-î....漢羅翻寫: Ahing

listen


插圖: Sherry Thompson
錄音: 吳令宜, 蔣由信, 陳豐惠

Ji̍t-sî, tsháu-lâng tiām-tiām khiā,
日時，草人恬恬khiā，
Tsāi tsiáu-á tùa thâu-khak-tíng thit-thô,
在鳥á tùa頭殼頂thit-thô，
Tsāi tsiáu-á tùa tshân-e thó-tsia̍h.
在鳥á tùa tshân-e討食。
Àm-sî, tsháu-lâng sì-kè kiânn.
暗時，草人sì-kè行。
Húe-kim-tshenn kā i tshiō-lōo,
火金星kā伊照路，
Tsûa kā i tshūa-lōo,
蛇kā伊tshūa路，
Khì khùann lòo(=lōo)-lê ūe-tôo,
去看露螺畫圖，
Khì khùann tsînn-tshí úe thôo.
去看錢鼠挖土。
Thinn kng, tsháu-lâng tńg-lâi khiā-hoo(=hōo)-hó,
天光，草人tńg來khiā-hōo好，
Tsiáu-á koh lâi thit-thô.
鳥á koh來thit-thô。