《台灣鳥a2歌詩》

| | | 轉寄

金頭á tshuā bó͘四界siû

listen



Kim-thâu-á tshuā bó͘ sì-kè siû
金頭á tshuā bó͘四界siû
Kim-thâu-á, thâu-khak kim-kim,
金頭á,頭殼金金,
Kim-kong tshiāng-tshiāng-kún,
金光tshiāng-tshiāng-kún,
Ta̍k-ji̍t tshuā bó͘ tsuí-khut-á sì-kè siû.
Ta̍k日tshuā bó͘水窟á四界siû。
Sī in-uī siuⁿ suí lâng uàn-tò͘,
是因為siuⁿ suí人怨妒,
Iah-sī tshiāⁿ-iāⁿ siuⁿ kuè-hūn,
Iah是tshiāⁿ-iāⁿ siuⁿ過分,
Suah jiá lâng gia̍h-tshìng kā lín pōng,
Suah惹人gia̍h槍 kā lín pōng,
It-ti̍t huah-hiu.
一直huah-hiu。

註解:Kim-thâu-á(金頭á); 野鴨/ 綠頭鴨; Mallard.
公鴨ê頭kap頷頸,有金金深綠色ê羽毛,所以叫做金頭á,phah獵ê人慣習用水鴨ê名。Tī台灣m̄是普遍ê冬候鳥。