《台灣鳥á歌詩》

湯匙á大嘴pe

作者 詩作kap註解: 蕭平治 攝影: 薛光雄

listen


Khùann gún ê hîng-thé, kap kim-thâu-á tsiânn sîng,
看阮ê形體，kap金頭á tsiânn sîng，
Lín nā beh hun ē tshing, tshiánn khùann gún ê tshùi-hîng.
Lín若beh分會清，請看阮ê嘴形。
Tshùi-pe tūa-tūa, ū-lâng kiò gún tūa-tshùi-pe,
嘴pe大大，有人叫阮大嘴pe，
Tshùi-pe tshiūnn thng-sî, mā hōo lâng hō-tsò thng-sî-á.
嘴pe像湯匙，mā hōo人號做湯匙á。
Khùann--khí-lâi gōng-tai gōng-tai,
看起來憨呆憨呆，
Khùann gún siû-tsúi koh kóo-tsui kóo-tsui.
看阮泅水koh kóo-tsui kóo-tsui。

Thng-sî-á (湯匙á); 琵琶鴨/ 琵嘴鴨; Shoveller.
湯匙á ê公母鴨嘴形，lóng像湯匙á形。因為in ê嘴闊koh扁，所以koh叫做大嘴pe á。