《CTT出頭天園地》

Tsiok Kiat-hun Kua..祝結婚歌

作者 Lūa Kang 賴江, 1939.03

br>Lâng sueh in-iân thinn tsù tiānn,
人　說　姻　緣　天　注　定,

M̄-sī mûe-lâng gâu tsō-tsiâ;
M̄　是　媒　人　gâu　做　成;

Iú-iân tshian-lí lâi siong-hūe,
有　緣　千　里　來　相　會,

Bô-iân tùi-bīn bô kau-pûe.
無　緣　對　面　無　交　陪.

Tann lín sē-iok tsò hu-tshe,
今　恁　誓　約　做　夫　妻,

Sū-sū sī ài sann thê-hê;
事　事　是　要　相　提　攜;

Tio̍h gâu kìng tūa koh thiànn sè,
著　gâu　敬　大　又　疼　小,

Tio̍h īng tō-lí lâi lí-ke.
著　用　道　理　來　理　家.

Hu-hū put-sî ū ài-tsîng,
夫　婦　不　時　有　愛　情,

Tsiū lín sim-kuann beh lūa tshing;
就　恁　心　肝　beh lūa tshing;

Sing-u̍ah put-sî ná sian-kíng,
生　活　不　時　若　仙　境,

Thian-tông tī lín ê ka-tîng.
天　堂　在　恁　ê　家　庭.