《CTT出頭天園地》

 | | | 轉寄

思念所消失ê台灣農村生活 2

作者 Tiuⁿ Bí-lī 張美利 2006.01.08

　　Tshân-tsng ê Sing-ua̍h
　　田　　庄　的　生　活



Thiⁿ-sik tsiâu kng lóng khí-tshn̂g,
天　色　齊　光　攏　起　床,

Sé-tshuì sé-bīn lâi tsia̍h-pn̄g.
洗　嘴　洗　面　來　吃　飯.


Tshài-pó͘ kiâm-hî phuè-pn̄g phang,
菜　脯　鹹　魚　配　飯　香,

Tāi-ke tsia̍h-kàu khang--khang-khang.　　
大　家　吃　到　空　　空　空.


It-ka tsi-tsú tsik-jīm tang,
一　家　之　主　責　任　重,

Lê-tshân tsìng-tsoh bô khin-sang.
犁　田　種　做　無　輕　鬆.

Kai-tsài gû-bó tàu-saⁿ-kāng,
該 哉 牛 母 鬥 相 共,

Ǹg-bāng siu-sîng hó-nî-tang.
盼 望 收 成 好 年 冬.


Kok-bîn sió-ha̍k ū kàu hn̄g,
國　民　小　學　有　夠　遠,

Gín-á tsá-tsá tsiū tshut-mn̂g.
囝　仔　早　早　就　出　門.


Tsi̍t-bīn kiâⁿ-lō͘ tsi̍t-bīn sńg,
一　面　走　路　一　面　耍,

Thiaⁿ-tio̍h khó-tshì kha-tshiú nńg.
聽　著　考　試　腳　手　軟.


A-kong a-má khì tshài-hn̂g,
阿　公　阿　媽　去　菜　園,

Hue phang tshài suí king-tsio n̂g.
花　香　菜　美　芎　蕉　黃.


A-má bán-hue tshah thâu-mn̂g,
阿　媽　挽　花　插　頭　毛,

A-kong khau-tsháu tshuì-tshiu tn̂g.
阿　公　拔　草　嘴　鬚　長.