《CTT出頭天園地》

I-sap 寓言 2

作者 TLH

br>2. Tshâ-thâu Ang-á

　Tī kóo-tsá, lâng lóng ē pài tsóo-sian, tsio̍h-thâu-kong, á-sī tshâ-thâu ang-á, ǹg-bāng tit-tio̍h hok-khì.

　Ū tsi̍t-ê lâng tiānn-tiānn pài in lāu-pē lâu--lo̍h--lâi ê tshâ-thâu ang-á, m̄-kú i iû-gûan bô tit-tio̍h sím-mi̍h hok-khì. I it-ti̍t kiû, it-ti̍t kiû, mā-sī iáu tsin pháinn-ūn.

　Ū tsi̍t-ji̍t, i tsin siū-khì, kiânn kàu tshâ-thâu ang-á ê bīn-tsîng, tùi âng-keh toh-tíng kā tshia-tshia--lo̍h--khì. Hit-sian tshâ-thâu ang-á sùa tn̄g tsò nn̄g-ku̍eh, tsin-tsē gîn-kak-á tùi tshâ-thâu ang-á ê pak-tóo lāi lìn--tshut--lâi, lak kàu múa sì-kè.