《CTT出頭天園地》

I-sap 寓言 11

作者 TLH

11 Iá-thòo kap Sì-kha-á

　Iá-thòo tiānn-tiānn hōo kî-tha ê iá-siù pik-sat kàu tsáu bô-lōo, m̄-tsai beh bih tùi tó-ūi khì. Kìnn-nā khùann-tio̍h jīm-hô tsi̍t-tsiah ê tōng-bu̍t tsiap-kīn, in tsiū ē kúann-kín liu-suan.

　Ū tsi̍t-ji̍t, in khùann-tio̍h tsi̍t-tīn iá-bé tsáu kàu tsin tshenn-kông. Tsit-khúan tsîng-kíng hōo iá-thòo tsin tio̍h-kiann. In tsûan-pōo tsáu tùi hū-kīn ê ôo khì, siūnn beh tsò-tīn thiàu-ôo tsū-sat, kam-gūan sí iā bô-ài koh kùe tsit-khúan kiann-hiânn ê sing-u̍ah. Oo-pinn ū tsi̍t-tīn sì-kha-á khùann-tio̍h iá-thòo tsáu úa--lâi, sùa kiann kàu lóng-tsóng thiàu lo̍h-khì tsúi--ni̍h.

　Ū tsi̍t-tsiah iá-thòo khùann--tio̍h, kóng, “Sū-si̍t-siōng, tāi-tsì pīng bô giâm-tiōng kàu su-iàu thiàu-tsúi tsū-sat.”

　Tsóng ū lâng tsōng-hóng pí lán koh-khah bái.