《CTT出頭天園地》

I-sap 寓言 13

作者 TLH

13. Iá-lông kap Iûnn-á-kiánn

Kóo-tsá kóo-tsá, tsi̍t-tsiah tūa iá-lông tī kûann-thinn khùn tsi̍t tūa tshénn, tú khí--lâi, pak-tóo tsin-iau. Iá-lông tùi suann-tíng khùann--lo̍h--khì, khùann-tio̍h tsi̍t-tsiah iû-á kiánn tī khe-pinn teh lim-tsúi. I tsin huann-hí, siūnn beh kā lia̍h lâi tsia̍h. Iū-koh kiann lâng kóng i kiông khi jio̍k, tsiū kúann-kín tshūe lí-iû.

“Úe! úe! khó-òonn ê iûnn-á-kiánn! Lí ná-ē kā gúa beh lim ê tsúi lā kiann-lâng?”

“Gúa bô-gúa bô-m̄-sī gúa. Lí tī suann-tíng, gúa tī suann-kha, gúa ná-ē kā lí beh lim ê tsúi lā kiann-lâng?”

“Koh ū, kū-nî lí iōng pháinn-ūe kā gúa mē, gúa iáu-būe kap lí lí-lūn!” Iá-lông ná kóng ná tùi suann-tíng tsông--lo̍h--lâi.

“Uan-óng! uan-óng! m̄-sī gúa, gúa tsiah tshut-sì la̍k gu̍eh-ji̍t nā-tiānn.”

“Án-ne it-tīng sī lín lāu-pē, lí ài thè i tsia̍h-tsūe.” Iá-lông kóng suah, khui-tshùi tsiū kā tsia̍h--lo̍h--khì.

Ài! ài! Ngē beh kā lâng tīng-tsūe, bián kiann ē tshūe bô lí-iû lah!