《CTT出頭天園地》

I-sap 寓言 14

作者 TLH

14. Káu kap Tsúi-iánn

Tsi̍t-tsiah káu-á khioh-tio̍h tsi̍t-tè bah,

Tūa-tè koh pûi-nńg,

Tsin hó-tsia̍h ê khúan-sit,

Beh kā tńg-khì ún-sim-á gè.

Lâi-kàu tsi̍t-tsō tshâ-kiô tíng,

Khùann-kìnn tsúi--ni̍h ū līng-gūa tsi̍t tsiah káu,

Tshùi-lāi mā kā tsi̍t-tè tūa pûi-bah,

Khùann--khí--lâi iáu-koh khah hó-tsia̍h!

Tsi̍t-sî tham-sim siūnn beh kā tshiúnn,

Ba̍k-tsiu kā gîn,

Khui tshùi kā pūi,

Tsiùi-lāi ê bah sùa lak-lo̍h tsúi.

Ài!

Tsò-lâng m̄-thang siunn tham-sim, tsiah bē “siáu-tham nǹg ke-lang, siang-thâu khang.”