《CTT出頭天園地》

I-sap 寓言 20

作者 TLH

20. Nn̄g-tsiah Tsîm-á

Ū tsi̍t-ji̍t, thinn-khì tsin-hó. Nn̄g-tsiah tsîm-á tshut-mn̂g beh khì hái-pinn ê sua-poo thit-thô.

“Án kiánn--ê, ” lāu-bú kóng, “Lí án-ne kiânn-lōo bó hó-khùann. Kiânn-lōo tio̍h-ài ti̍t-ti̍t kiânn, m̄-thang kiânn thán-hûainn. ”

”Án-niânn, pài-thok lí sing kiânn hōo gúa khùann, sūn-sùa kā gúa kà.” Tsîm-á-kiánn án-ne kóng, “lí nā tsò ē-kàu, gúa tsiū tùe lí tsò.”

Tsò hó bôo-iūnn sī siōng-hó ê kàu-io̍k.