《CTT出頭天園地》

I-sap 寓言 24

作者 TLH

br>Sai tsham Hôo-lî tâng-tsê beh khì phah-la̍h. Hôo-lî siàn-tōng Sai, kiò-lâng khì tsio Lî-á tsò-tīn khì. Lî-á thiann-kóng Tāi-ông beh kap i kau-pûe, tsin huann-hí, sûi khì.

M̄-kú tán i kàu-ūi ê sî, Sai sûi kā Lî-á khian--sí, tùi Hôo-lî kóng, “Tse tsiū-sī lán ê àm-tǹg. Lí sing kòo leh, gúa khì khùn--tsi̍t--tshénn. Lí nā kaN2tang7 gúa ê Lî-á, lí tsiū kai-sí.”

Sai kiânn-tsáu, tshun Hôo-lî tī hia tán; tán tsin-kú bô khùann-kìnn Sai tńg--lâi, Hôo-lî tsiū thau-thau-á kā Lî-á ê thâu-náu tsia̍h-tiāu.

Sai tǹg--lâi ê sî, khùann Lî-á ê thâu-náu bô--khì, tūa siann mn̄g Hôo-lî kóng, “lî-á ê thâu-náu tó-ūi khì?” “Thâu-náu? Tāi-ông ah! I pún-lâi tsiū bô thâu-náu lah! Nā ū, i tsiū bē lo̍h tī lí ê hām-tsénn looh.”

“Khiáu, Hôo-lî tsit-kù-ūe ìn liáu tsin súi-khùi!”