《CTT出頭天園地》

I-sap 寓言 25

作者 TLH

25. Lāi-hio̍h Kap Tsìnn

Ū tsi̍t-tsiah Lāi-hio̍h tī thinn-tíng pue, hiông-hiông thiann-tio̍h Tsìnn-siann “siú”--tsi̍t--ē, i tsai-iánn ka-kī í-king hōo Tsìnn siā--tio̍h, siū tāng-siong, teh-beh sí lah.

I ê siang-si̍t phia̍t leh, phia̍t leh, bān-bān-á tūi-lo̍h thôo-kha, khang-tshùi ê hueh tsho̍p-tsho̍p-tih. I ànn-thâu khùann hit-ki siā-tio̍h i ê Tsìnn, siūnn bē kàu Tsìnn-búe pa̍k--ê kìng-jiân sī i ka-kī ê ú-môo.

“Aih-iah!” i ai tsi̍t-siann, tsiū án-ne sí--khì.

Tùi-tshiú iōng lâi phah--lán ê bú-khì, tiānn-tiānn sī lán ka-kī sàng hōo--i ê.