《CTT出頭天園地》

魚肚kap肉燥

作者 Tsiúnn Ûi-bûn

Nā lí sit-lûan ê sî-tsūn,
若　你　失　戀　ê　時　tsūn

Lâi Tâi-lâm, gúa tshiánn lí tsia̍h
來　台　南，　我　請　你　食

Hî-tōo kap bah-sò
魚　肚　kap　肉　燥.



Bô tshì bô kut,
無　刺　無　骨

Kan-tann ū lām kiunn-si ê kam-tinn,
kan-tann 有　lām　薑　絲　ê　甘　甜

Tsi̍t-úann hî-tōo
一　碗　魚　肚

iù-mî-mî
幼　綿　綿

Khah iânn tó tī siàu-lú ê hing-tsîng,
卡　贏　倒　tī　少　女　ê　胸　前

Tsi̍t-úann bah-sò
一　碗　肉　燥

Phang kòng-kòng
香　貢　貢

Bô su siàu-lú ê tshing-phang,
無　輸　少　女　ê　清　香



Nā lí su-hiong ê sî-tsūn,
若　你　思　鄉　ê sî-tsūn

Lâi Tâi-lâm, gúa tshiánn lí tsia̍h
來　台　南，　我　請　你　食

Hî-yōo kap bah-sò.
魚　肚　kap　肉　燥



Bô tshì bô kut,
無　刺　無　骨

Kan-tann ū tsham kòo-hiong ê tsu-bī,
kan-tann 有　摻　故　鄉　e　滋　味

Tsi̍t-úann hî-tōo
一　碗　魚　肚

Ku̍t-liù-siù,
滑-liù-siù

Khah iânn pau-hî kap ián-oo,
卡　贏　鮑　魚　kap　燕　窩

Tsi̍t-úann bah-sò,
一　碗　肉　燥

Hó bē thè,
好 bē　退

In-ūi
因　為

Tse ū lām thóo-tē ê bī-sòo.
這　有　lām　土　地　ê　味　素


--11/25/2003 府城台南