《CTT出頭天園地》

I-sap 寓言 27

作者 TLH

27. Niau-á Sin-niû

Ū-tsi̍t-kang, thinn-sîn teh sio-tsènn, kóng tōng-bu̍t ê pún-sìng kiám ū khó-lîng ē kái-piàn.Jupiter kóng, “Ē!” M̄-kú, Venus kóng, “Bē!”

Sóo-í, in kuat-tīng beh tshì-giām--tsi̍t--ē. Jupiter kā tsi̍t-tsiah Niau-á piàn-tsò tsi̍t-ê tsa-bóo-gín-á, an-pâi i khì kap tsi̍t-ê siàu-liân-ke kiat-hun.

Kiat-hun-sik tsin sīng-tāi, tai-ke lóng tsin huann-hí, sin-niû ê piáu-hiān mā hōo tāi-ke tsiok o-ló. Tāi-ke tsò-tīn tsia̍h tshenn-tshau ê sî, Jupiter kā Venus kóng, “Lí khùann, sin-niû piáu-hiān liáu tsiânn hó. Siánn-lâng ē tsai i tsâ-hng iáu-sī tsi̍t-tsiah Niau-á? I-ê pún-sìng tiānn-tio̍h í-king kái lah! Kiám m̄-sī leh?”

“Tán--tsi̍t--ē,” Venus ìn tsi̍t-siann, tsiū piàn tsi̍t-tsiah niáu-tshí--tshut--lai, pàng ji̍p-khì tshù-lāi. Sin-niû tsi̍t-khùann-tio̍h niáu-tshí, tsiū tùi í-á-tíng thiàu--khí--lâi, tsông-tùi niáu-tshí khì.

“Ah, lí khùann,” Venus kóng, “Gúa kóng liáu bô m̄-tio̍h, tōng-bu̍t ê pún-sìng bô khó-lîng ē kái-piàn!”