《CTT出頭天園地》

I-sap 寓言 39

作者 TLH

39. Húe-ke kap Khóng-tshiok

Ū tsi̍t-tsiah húe-ke tūa-tánn tsáu-ji̍p-khì khóng-tshiok ê tē-pûann. I khùann-tio̍h tsin-tsē khóng-tshiok mn̂g, he sī khóng-tshiok ūann-mn̂g ê sî lak--lo̍h--lâi--ê. I kā khóng-tshiok-mn̂g pa̍k-tī búe-liu, ké-iánn ka-kī sī khóng-tshiok. Tsiok ū tsū-sìn tūa-pān tūa-pān kiânn khì khóng-tshiok hia, siūnn beh kap in tsò-tīn.

Tng i kiânn-úa ê sî, hit-tīn khóng-tshiok sûi huat-hiān i sī ké-pâu--ê; tsiū kui-tīn tsáu-khì kā tok, kā thóng; koh kā i pa̍k-tī búe-liu ê khóng-tshiok-mn̂g lóng pu̍eh-pu̍eh-- lo̍h--lâi. Húe-ke tsin kiàn-siàu, m̄-kánn tńg-khì i ê tông-phuaN7hia.

I ê tông-phūann tī hn̄g-hn̄g ê sóo-tsāi, kā it-tshè khùann kàu tshing-tshing tshó-tshó, lóng tsin khí-moo bái, mā thè i kám-kak tsin kiàn-siàu. Tùi i kóng, “ Beh tsò tsi̍t-tsiah ko-kùi ê tsiáu-á, kan-ta ū súi-súi ê ú-môo sī bô kàu--ê.”

Iam-ke thàn hōng pue, m̄-nā bô khó-lîng, koh sī kiàn-siàu tāi.