《大人囡á詩》

Thì-thâu...剃頭

作者 Li KhinhuaN

listen



Tsi̍t-ji̍t thì-thâu, sann-ji̍t iân-tâu
一日剃頭，三日緣投
Thâu tshing-sóng lang-iân kàu
頭清爽人緣到
Kìnn-tio̍h lâng tshiò-bi-bi uan-siû thàu
見tio̍h人笑bi-bi冤仇tháu
Siūnn beh ta̍k-kang thì-thâu
想beh逐工剃頭
Kiann kóng ū-lâng gî-sim
驚講有人疑心
Gúan tham lí-huat sió-tsiá hó bí-māu
阮貪理髮小姐好美貌
Tsi̍t-ji̍t thì-thâu, sann-ji̍t giàn-thâu
一日剃頭，三日giàn頭
Thâu-moo it-tàn bô kàu
頭毛一旦無夠
Khuat-tiám i to̍h phû-thâu
缺點伊to̍h浮頭
Pan-tiám jiâu-hûn khùann-thàu-thàu
斑點皺痕看透透
Siūnn beh mài thì-thâu
想beh mài剃頭
Kiann kóng ū-lang gî-sim
驚講有人疑心
Gúan thâu-moo phiau-phiat sī-m̄-sī
阮頭毛飄phiat是m̄是
Siūnn beh tsò oo-káu
想 beh 做烏狗
--2003/4/28 Harvard