《大人囡á詩》

Tsióng...獎

作者 Li KhinhuaN

listen



Tsióng ū tsin-tsē tsióng
獎有真tsē種
Tsióng-kim tsióng-pâi tsióng-tsn̄g sann-tsióng
獎金獎牌獎狀三種
Tsióng-pue tsióng-pûann tsióng-kî la̍k-tsióng
獎杯獎盤獎旗六種
Khó-lîng iáu-ū, tshiann lí bān-bān-á siòng
可能 iáu 有，請你慢慢仔相
Tsióng-kim hit-hō tsióng
獎金hit號獎
Kim-gia̍h kûan, sòo-jī koh ē liòng
金額高，數字 koh 會 liòng
Ū-sî liòng kah hāi-lâng kám-tsîng siong
有時 liòng kah 害人感情傷

Tsióng-tsn̄g hit-hō tsióng
獎狀彼號獎
Po̍h-po̍h tsúa tsi̍t-jī tsióng
薄薄紙一字獎
Kong-lô khóo-lô tī tsúa-siōng
功勞苦勞在紙上
Mài hiâm i bô si̍t-tsit hāu-iōng
Mài 嫌伊無實質效用
Khing súi-súi, kùa piah-siōng
框 súi-súi，掛壁上
Sui-jiân hi-îng, mā tsìng-siông
雖然虛榮，mā 正常
Bô-kúan tó tsi̍t-tsióng
無管 tó 一獎
Niá-tio̍h lóng tsin thiòng
領著攏真 thiòng
Niá bē-tio̍h mài bián-kióng
領 bē 著 mài 勉強
Niá bô-tio̍h, koo-put-jî-tsiong mā-tio̍h tsiong
領無tio̍h，姑不而將 mā tio̍h終
Tshian-bān m̄-thang kā lâng tiòng-siong
千萬 m̄-thang kā 人中傷
Hong-tōo ài hó, ài ū tōo-liōng
風度 ài 好，ài 有肚量
--2003/4/28 Harvard今仔日第二遍領著哈佛大學ê 教學傑出獎 (Distinction in Teatsing)Kin-á-j…t tē-jī-piàn niá-tio̍h Harvard Tāi-ha̍k ê kàu-ha̍k kia̍t-tshut-tsióng(Distinction in Teatsing)