《大人囡á詩》

Tsiàn-tsing...戰爭

作者 Li KhinhuaN

listen
Tsi̍t-ê tūa-lâng
一個大人
Ko-tshiâng, ū tsìng-gī-kám
高tshiâng, 有正義感
Līng-gūa tsi̍t-ê tūa-lâng
另外一個大人
Tūa tsâng, kap i ū tông-kám
大欉，kap伊有同感
Sio-tsio khì phah tsi̍t-ê m̄-tsiânn gín-á
相招去拍一個m̄-tsiânn 囡仔
Kóng i to̍k-phín sì-kè tshàng sì-kè am
講伊毒品四界藏四界掩
Thua leh sàm
拖leh sàm
Thua leh tsàm
拖leh tsàm
Phah hōo i tshi-tshám tshi-tshám
拍hōo伊悽慘悽慘
Kā in-tau tsâu kah hiám tó-khàm
Kā in兜tsâu kah 險倒 khàm
Kó-jiân huat-hiān tsi̍t-lia̍p tūa thn̂g-kâm
果然發現一粒大糖含
--2003/4/30 Harvard