《大人囡á詩》

Lâng ū Siang-bīn...人有雙面

作者 Li KhinhuaN

listen
Hōo lí khùann gúa ê bīn tshiò-hai-hai
Hōo 你看我ê 面笑hai-hai；
M̄ hōo lí khùann gúa ê bīn lâu ba̍k-sái
M̄ hōo 你看我ê 面流目屎
Hōo lí khùann gúa ê bīn pe̍h ná siù-tsâi
Hōo 你看我ê面白ná秀才;
M̄ hōo lí khùann gúa ê bīn oo koh pháinn
M̄ hōo 你看我ê 面烏 koh 歹
Hōo lí khùann gúa ê tsiànn-bīn tsiok kong-tshái
Hōo 你看我ê 正面足光彩；
M̄ hōo lí khùann gúa ê pūe-bīn tsin àu-sái
M̄ hōo 你看我ê 背面真àu-sái

Hōo lí khùann gúa ê tsîng-bīn thài-pîng-tāi
Hōo 你看我ê 前面太平代;
M̄ hóo lí khùann gúa ê āu-bīn tsò hong-thai
M̄ hōo 你看我ê 後面做風颱
Hōo lí khùann gúa ê tíng-bīn kik m̄-tsai
Hōo 你看我ê 頂面kik m̄ 知；
M̄ hōo lí khùann gúa ê lāi-bīn phi̍h-pho̍k-tshái
M̄ hōo 你看我ê 內面phi̍h-pho̍k-tshái
M̄ hōo lí khùann gúa ê to-bīn ē kâng thâi
M̄ hōo 你看我ê 刀面會kâng thâi；
Hōo lí khùann gúa ê to-bīn hó tshiat-tshài
Hōo 你看我ê 刀面好切菜
To ū nn̄g bīn lí kám m̄-tsai?
刀有兩面你kám m̄ 知？
--2003/5/3 Harvard