《大人囡á詩》

王錄仔á仙

作者 Li KhinhuaN

listen



“Lâi-lâi-lâi, khùann-khùann-khùann
「來來來，看看看
Kín lâi khùann, bān lâi
緊來緊看，慢來
Lí to̍h kan-nā khùann tsi̍t-pùann”
你to̍h kan-nā 看一半！」
Kúann-kín tsông khì khùann
趕緊tsông去看
Í-king siunn-kùe ùann
已經siunn過ùann
Siàu-lú tshīng tsi̍t-pùann
少女穿一半
Kûn-thâu phah kah tūa-lia̍p kūann sè-lia̍p kūann
拳頭phah kah大粒汗細粒汗
Khiā tī hn̄g-hn̄g khùann
Khiā tī遠遠看
It-tshè lóng thuat-sùann
一切lóng脫線
Kang-hu bô teh puann
功夫無teh puann
Koo-io̍h the̍h khí-lâi tūann
膏藥提起來tūann
Thôo-sua-hún tsò io̍h hông kiáu nūa
土砂粉做藥hông攪nūa
Tshiū-kin tshiat-phìnn bián koh tsuann
樹根切片免koh tsuann
Ko-lê jîn-sam lo̍k-jiông póo-io̍h-tuann
高麗人蔘鹿茸補藥單
Tsa-poo-lâng tsia̍h liáu tsòng-iông koh póo-kuann
查甫人食了壯陽koh補肝
Tsa-bóo-lâng tsiah liáu àm-sàm-pīnn bē koh thùann
查某人食了àm-sàm病bē koh thùann
A-se--ê tsi̍t-tūa-kūann
阿西--ê一大kūann
Tshenn-tshám jîm tsînn tshut-lâi ūann
Tshenn-tshám jîm錢出來換
Khok-khok tán beh khùann līng-gūa hit-pùann
Khok-khok等beh看另外hit半
Siūnn beh tsáu kùe-khì kā i khui hu̍at-tuann
想beh走過去kā伊開罰單
Kiann lâng kóng gúan âng-pau ia̍h-beh siu ia̍h-beh kúann
驚人講阮紅包ia̍h-beh收ia̍h-beh趕
Kìng-tshat tú-tio̍h ông-lo̍k-á-sian
警察tú-tio̍h王錄á仙
Tsí-hó tán kàu hì suah lâng sùann
只好等到戲煞人散
---2003/5/6 Harvard