《大人囡á詩》

Àm-kong-tsiáu...暗光鳥

作者 Li KhinhuaN

listen
Ba̍k-tsiu tūa-tūa-khian
目睭大大khian
Ka tsi̍t-liàn tsiah tūa liàn
加一liàn tsiah大liàn
Bē-su bē oo-liàn
Bē輸賣烏liàn
Siang-tshiú tshah tiàm lāi-té-iân
雙手插 tiàm內底iân
Tsi̍t-khoo kik siān-siān
一khoo kik siān-siān
Tsi̍t-mê tn̂g-lò-lò, khùn m̄ khùn
一暝長lò-lò，睏m̄睏
Mê-kang phah kah giān-giān bē siau-kiān
暝工拚kah giān-giān bē消kiān
Ji̍t--sî tsiah teh tūa liáu-jiân
日--時才teh大liáu-jiân
Pún-tsiânn ian-ian
本成ian-ian
Tann suah giàn-giàn
Tann煞giàn-giàn
--2003/5/12 Harvard