《大人囡á詩》

Canada gô...加拿大鵝

作者 Li KhinhuaN

listen
Canada gô, m̄-sī
加拿大鵝，m̄是
Kah-ná tai gô
Kah-ná呆鵝
Tsí-sī ài tshit-thô
只是愛tshit-thô
Pue lâi Bí-kok jūa-jūa-sô
飛來美國 jūa-jūa sô
Tsia̍h kah pûi-tsut-tsut
食kah 肥 tsut-tsut
Pue bē tńg-khì Vancoover
飛bē tńg去 Vancoover
Canada gô, ū iánn
加拿大鵝，有影
Kah-ná tai gô
Kah-ná呆鵝
Tham-lûan hù-kùi ài khin-khó
貪戀富貴愛輕可
Īnn-hiong bô kúan jūa hó
異鄉無管jūa好
Tùa jūa kú án-tsúann tsò
Tùa jūa久按怎做
Jūa jīn-tsin kā lâng o-ló
Jūa認真 kā 人o-ló
Bí-kok-lâng mā-sī kiò lí
美國人mā是叫你
Canada gô!
加拿大鵝！
Kah-ná tai gô!
Kah-ná呆鵝！
--2003/4/21 Harvard