第十二章
關 係 安息日 ê 問題 (Mk 2：23-28；Lk 6：1-5)
1 Hit當 時，耶穌 tī 安息日 tuì 麥 園 經 過；祂 ê 門徒 腹肚 iau，就 摘 麥 穗 來食。 2 法利賽 派 ê 人看tio̍h就對耶穌講：「你看，你 ê 門徒做 安息日 所無應 該做ê tāi-tsì。 3 耶穌就應in講：「大衛kah跟tuè ê人腹肚iau ê時所做ê tāi-tsì，lín kám無讀tio̍h ？」 4 就是伊入上 主 ê 殿，食祭 壇頂 ê 餅；這 m̄ 是伊kah跟tuè ê人所thang食ê，kan-taⁿ祭司tsiah ē-tàng食。 5 á是lín kám m̄ bat讀tio̍h律 法所記載，當 安息日 祭司tī殿 裡犯tio̍h安息日 ê 規矩 mā算是無罪？ 6 Taⁿ我kā lín講，tī tsia有比聖 殿koh-khah重 要ê。 7 但是lín若知聖 經記載 '我ài憐憫，無ài祭 物' tsit句話 ê 意思，就bē kā無罪 ê 人 定 罪。 8 因為人 子是 安息日 ê 主。」
耶穌醫好 瘸 手 ê 人 (Mk 3：1-6；Lk 6：6-11)
9 耶穌離開hia，入去in ê會 堂； 10 Tú好有一個 瘸 手 ê 人tī hia。有一koá人想bueh tshuē 孔 縫 來告伊，問伊講：「安息日 醫 病kám有照律 法 ê 規 定？」 11 耶穌應 講：「Lín中 間有人一隻羊tī 安息日 跋 落 坑，伊kám bē kā伊拖起來？ 12 何 況人比羊加真貴 重ah！所以安息日做好事是合律 法。」 13 耶穌就對hit人講：「伸 出你 ê 手來。」伊一伸 手，手就隨時 復 原，親 像另 外hit支手。 14法利賽 派 ê 人出 去，作 伙計謀 bueh án怎來害死耶穌。
上 主 揀 選 ê 奴 僕
15 耶穌知 影in ê 計謀 就離開hia；有真坐人tuè伊去，伊醫好in中 間所有 ê 病 人。 16 耶穌命 令in m̄-thang報 揚祂ê tāi-tsì。 17 這是bueh應 驗先知以賽亞所講 ê 話，án-ne講， 18 「你看，我所 揀 ê 奴 僕，我所疼ê，我所合意ê；我bueh將我 ê 聖 靈賜hō͘祂。祂bueh對 萬 民 宣 告我 ê 公 義。 19 祂無bueh 爭 論，無bueh大 聲 喧 嚷；tī街路無人聽tio̍h祂 ê 聲。 20 受 傷 ê 蘆 竹，祂無bueh at 折，bueh hua ê 燈 火，祂也無bueh pûn 熄，直 到祂 hō͘ 公 義得 勝。 21 萬 民lóng bueh仰 望祂 ê 名。
耶穌Kah Pia̍t-se-pok (Mk 3：20-30；Lk 11：14-23；12：10)
22 Hit時有人tshoā一個hō͘邪神附身，tsheⁿ-mê koà啞 口 ê 人來見耶穌。祂就kā伊醫好，hō͘啞 口 ê 講 話，koh會看 見。 23 眾 人lóng tio̍h驚koh奇怪，講：「Tsit-ê人kám m̄是大衛ê kiáⁿ孫？」24 但是 法利賽 派 ê 人聽tio̍h就講：「Tsit-ê人 只不過 是靠鬼 王Pia̍t-se-pok teh趕鬼。」 25 耶穌知 影in ê心思，就kā in講：「見若 國家 家己 內 亂，就會致到 拋 荒；見若城 市á是家 庭家己起 紛 爭，的 確khiā bē tiâu。」 26 若撒 旦趕撒 旦，是家己 紛 爭，伊 ê 王國kám khiā會tiâu？ 27 我若是靠Pia̍t-se-pok teh趕鬼，lín ê 子弟 趕鬼是oá靠啥 人ah？Án-ne in就會 質疑 lín。 28 M̄-koh我是oá靠上 主 ê 聖 靈teh趕鬼，án-ne上 主 ê 國度 就來 到lín中 間à。 29 人tio̍h án怎tsiah ē-tàng入去勇 士 ê 厝搶伊 ê 財 物？Kám m̄是tio̍h事 先kā hit-ê勇 士 縛 起來？ 30 無kah我同 心ê，就是反 對我；無kah我同 工ê，就是teh破 壞。 31 所以我kā lín講：「人一 切 ê 罪 惡kah 謗 瀆，lóng會得tio̍h赦 免；m̄-koh謗 瀆 聖 靈ê，bē得tio̍h赦 免。 32 人若講 話攻 擊人 子ê，iáu會得tio̍h赦 免；m̄-koh若是講 話攻 擊聖 靈ê，tī 今世 á是來世，lóng bē-tàng得tio̍h赦 免。
樹kah果 子(Lk 6：43-45)
33 「好樹 結 好果 子，pháiⁿ樹結 pháiⁿ果 子，看所結 ê 果 子就ē-tàng知 影樹 ê 好pháiⁿ。 34 Lín tsiah-ê毒 蛇ah，lín明 明是pháiⁿ ê，thài-thó會講好話？因為人心內充 滿甚麼，嘴就會講出甚麼。 35 好人tùi所積 聚 ê 好來顯 出 良 善；pháiⁿ人tùi所積 聚ê pháiⁿ來顯 出邪惡。」 36 「我kā lín講，人所講 ê 閒á話，tī審 判 ê 日子，ta̍k句tio̍h 負責。37 因為上 主bueh 根據 你 ê 話來定你有罪á是無罪。」 38 Hit時有kuí-nā 個 經 學教師kah法利賽 派 ê 人對耶穌講：「老師ah，阮ài看你行一個神 跡。」 39 耶穌應 講：「惡毒 姦淫 ê 世代想bueh要求神 跡；除了先知 約拿 ê 神 跡以外，bē koh有神 跡hō͘ in。 40 Tú親 像 約拿 三日三暝tī大 魚 ê 腹肚 內，人 子也bueh án-ne三日三暝tī深土內。 41 Tī審 判 ê 日子，尼尼微人 bueh kah tsit世代 ê 人作 伙活起來，kā tsit世代 ê 人 定 罪；因為in聽tio̍h約拿 ê 傳 道來悔 改；何 況tī tsia有比約拿khah偉大ê。 42 Tī審 判 ê 日子，南 方 ê 女王kah tsit世代 ê 人作 伙活起來，kā tsit世代 ê 人 定 罪；；因為 她 有tùi地 ê 極 頭來聽所羅門智慧 ê 話，何 況tī tsia有比所羅門khah偉大ê。」
邪神倒tńg來(Lk 11：24-26)
43 邪神離開附身 ê 人，就tī無水 ê 地區bueh tshuē一個歇 睏 ê 所 在，但lóng tshuē無。 44就講：「我bueh tńg去我出 來 ê 厝；一下到tè，就看 見厝 內空 空，拚 掃 kah真清 氣，也 整 理 kah真好勢； 45 後來koh出 去帶 七個比家己khah pháiⁿ ê邪神，入去hia作 伙khiā起。Án-ne hit人 ê 結 局比起 頭ê koh khah 慘。Tsit-ê邪惡 ê 世代mā會親 像án-ne。
耶穌 ê 老母kah 兄弟(Mk 3：31-35；Lk 8：19-21)
46 耶穌iáu teh對群 眾講 話 ê 時，tú好祂 ê 老母kah祂 ê 兄弟khiā tī外面，ài bueh kah祂講 話。 47 有人kā耶穌講：「祢看，祢 ê 老母kah祢 ê 兄弟 khiā tī外面，ài bueh kah祢講 話。」 48 耶穌應hit-ê人講：「甚麼人是我 ê 老母？甚麼人是我 ê 兄弟 ah？」 49 然後伸 手kí祂 ê 門徒講：「你看，我 ê 老母kah我 ê 兄弟。 50 實 行我天父 ê 旨意 ê 人，就是我 ê 兄弟，姊 妹，kah老母。」
|
|
|
轉寄