巴克禮普世版（試讀本） 路加福音第十二章
警 戒假好ê人 (太10：26-27)
1 Hit時幾若萬人聚 集uá來，致到互 相thún踏，耶穌就對門徒講：「Lín tio̍h持 防法 利賽 派ê人ê酵，就是in ê假好。」2無 一 項蓋 密ê tāi-tsì bē露 現，每 一 項祕密ê tāi-tsì到時mā lóng會hō͘人知 影。3所以lín tī烏暗 中所 講ê，會tī光 明 中hō͘人聽tio̍h；lín tī房 間 內耳 孔邊所 講ê，會hō͘人tī厝 尾 頂公 開宣 布。」
Tio̍h敬 畏上 主 (太10：28-31)
4「我ê朋 友ah，我kā lín講：害死lín ê身 軀了 後bē-tàng koh對lín做 啥 物ê人，lín m̄免驚。5我beh指示lín tio̍h敬 畏啥款人，lín tio̍h敬 畏上 主，祂hō͘人死了 後koh有 權 柄kā人hiat落去地獄。是lah，我kā lín講：tio̍h驚Hit位！
6「五 隻雀 鳥á kám m̄是賣兩 角銀？tī上 主ê面 前，連一 隻都無bē記得。7連lín ê頭 毛都lóng有算 過。M̄免 驚，lín比hiah-ê雀 鳥á koh-khah貴 重。」
公 開承 認基督 (太10：32-33；12：32；10：19-20)
8「我kā lín講，tī人ê面 前承 認我ê，人 子tī上 主ê天使面 前，mā會kā伊承 認。9 M̄-koh tī人ê面 前無承 認我ê，tī上 主ê天使面 前，mā無beh kā伊承 認。」
10「人若講 話攻 擊人 子ê，iáu會得tio̍h赦 免，m̄-koh若是褻 瀆聖 神ê，就bē得tio̍h赦 免。」11人若押lín去 到會 堂，á是統 治 者kah官 員ê面 前，lín m̄免煩 惱beh án怎辯 解，á是tio̍h講啥 物。12因為到時聖 神會教lín，tio̍h講啥 物話。」
戇財 主ê譬喻
13眾 人中 間有一個財 主kā耶穌講：「老師，請祢叫我ê兄弟kah我分家伙。」14 M̄-koh耶穌kā伊講：「你tsit-ê人，啥 人設立我做lín ê審 判 官，á是做分家伙ê公 親？」15耶穌就 對群 眾講：「Tio̍h謹慎，tio̍h約 束家己，tio̍h持 防各 種ê貪 心，因為人ê活 命價值m̄是介 在tī伊所 積 聚ê財 產。」16然 後耶穌用 譬喻對in講：「有一個好 額 人，伊ê田 園真 豐 收。17伊想 來想 去講：『我無夠所 在thang囤我ê五 穀，taⁿ beh án怎？』18 Koh講：『我tio̍h án-ne做，我beh kā粟 倉拆 掉koh起khah大 間，thang來kā我ê五 穀kah財 物lóng囤tuà hia。19然 後mā beh對我ê靈 魂講：『靈 魂ah，你有積 聚真tsē財 物，thang做真tsē年ê路用。Taⁿ清 閒ā，來lim食，來 享 受！'』20 M̄-koh上 主kā伊講：『戇 人ah，今暝beh對你討你ê性 命，你所 積 聚ê財 產beh留hō͘啥 人？』21 Án-ne為tio̍h家己積 聚財 寶，無hō͘上 主看 做好 額ê人，mā是仝 款。」
信 靠上 主 (太6：25-34)
22 Koh對門徒講：「所以我kā lín講，m̄-thang為tio̍h性 命操 煩beh食啥 物，á是為tio̍h lín ê身 軀操 煩beh穿啥 物。23因為性 命比食 物khah重 要，身 軀比衫 褲khah價值。24 Lín看烏鴉，in雖 然無 種 作無 收 成，mā無 倉 庫無 粟 倉，上 主iáu-koh teh kā in養 飼。Lín kám無比hiah-ê鳥á khah貴 重？25 Lín kám有人想 講，操 煩ē-tàng hō͘家己ê性 命加活一時á久？26 Taⁿ lín既然連tsiah-ni̍h細 項tāi-tsì都無法 度做，ná-tio̍h操 煩其他ê tāi-tsì？27 Lín小想 看māi lè，百 合 花án怎teh大 叢？In無勞苦mā無 紡 織，m̄-koh我kā lín講，tng所羅門siōng榮 華富貴ê時，伊所 穿ê衫to無比tsiah-ê花ê一蕊khah suí。28 Taⁿ山 裡ê草，今á日teh活，明á載to̍h hō͘人hiat落去火爐。上 主iáu-koh án-ne teh kā in打扮，lín ná會tsiah-ni̍h無信 心？29所以lín m̄-thang kan-tāⁿ teh想beh食啥 物beh lim啥 物，mā m̄-thang操 煩。30因為tsiah-ê lóng是tsit世間ê未信 者所teh求ê。Lín ê天父mā知lín需要tsiah-ê物 件。31顛倒tio̍h tāi先追求上 主 國 度，tsiah-ê物 件ē順 續賞賜hō͘ lín。」
天 頂ê財 富 (太6：19-21)
32 Lín tsiah-ê細細ê羊 群，m̄免驚，因為lín ê天父歡 喜kā祂ê國度hō͘ lín。33 Tio̍h賣lín ê財 產來賑 濟sàn-tshiah人。Tio̍h為lín家己準 備bē破ê錢袋á，來積 聚用bē了ê財 寶tī天 頂。Tī hia無 賊á會來偷the̍h，mā bē有 蟲蛀。34因為lín ê財 寶tī tó位，lín ê心mā會去tī hia。」
謹慎Thìng候ê奴僕
35 Lín ê衫tio̍h穿好勢，lín ê燈tio̍h點hō͘ to̍h。36 Lín tio̍h親 像人teh thìng候in ê主 人tuì婚 宴tńg來。主 人tńg到位，一下phah門thang隨時kā伊開。37主 人tńg來 看tio̍h in醒 醒，hiah-ê奴僕真有 福 氣。我實 在kā lín講，主 人會家己衫穿好勢，hō͘ in坐 桌，來kā in伺候。38 Kiám-tshái主 人會tī半 暝á是天phú光ê時tńg來，看tio̍h in醒 醒，hiah-ê奴僕真有 福 氣。39主 人若 知賊á tang時會來，伊就tiuⁿ-tî，一定bē hō͘賊á入來伊ê厝，這是lín知 影ê tāi-tsì。40所以lín mā tio̍h準 備便 便，因為人 子會tī lín想bē到ê時tsūn來臨。」
忠 實kah無 忠 實ê管 家 (太24：45-51)
41彼得講：「主ah，祢tsit-ê譬喻是teh對阮 講，á是mā對群 眾？」42主講：「啥 人是盡 忠koh機 巧ê管 家？就是主 人交帶伊來管 理其他ê奴僕，照 時分 配食 物hō͘ in hit-ê人。43主 人tńg來 看tio̍h伊有 照交帶去 做，hit-ê奴僕真有 福 氣！44我實 在kā lín講，主 人會派伊來管 理伊所有ê財 產。45 Hit-ê奴僕若心 內想 講，我ê主 人會khah慢tsiah tńg來，就phah其他ê奴僕kah女婢 女婢，lim食koh酒 醉。46主 人tī伊想bē到ê時tsūn tńg來。主 人會重 重kā伊刑 罰，hō͘伊kah hiah-ê無 忠 實ê人受仝 款ê刑 罰。47奴僕知 影主 人ê意思卻無去準 備，á是無照主 人ê意思去 做，伊一定會hō͘主 人phah kah真thiám。48 M̄-koh若m̄知主 人ê意思去 做應 該受phah ê tāi-tsì，伊會受phah khah少下；hō͘伊khah-tsē ê人，ē tuì伊the̍h khah-tsē；交 託伊khah-tsē ê人，會kā伊要求khah-tsē。」
因為耶穌引起ê分 裂 (太10：34-36) 49「我來是beh用 火tàn tī地 上，火若to̍h起來，m̄知guā-ni̍h-á好？50我有應 該受ê洗禮，hit-ê洗禮Iáu未完 成以 前，我tio̍h艱 苦kah啥 物程 度？51 Lín想 講我來是beh hō͘地 上和 平？我kā lín講，m̄是，顛倒是冤家。52 Tuì taⁿ以後，一 家五人會冤家，三個kah兩個冤家，兩個kah三個冤家。53父kah kiáⁿ，kiáⁿ kah父，老母kah tsa-bó͘-kiáⁿ，tsa-bó͘-kiáⁿ kah老母，ta-ke kah她ê新婦，新婦kah ta-ke，in lóng會冤家。
了 解Hit-ê時ê兆 頭 (太16：2-3)
54耶穌koh對群 眾講：「Lín看tio̍h雲tuì西pîng起來，lín就 講：『Beh落雨』，果 然就 落雨。55 Lín看tio̍h透南 風ê時，lín就 講：『Beh燒 熱ā。』就真 正燒 熱起來。56 Lín tsiah-ê假好ê人，lín都會曉判 斷天kah地ê景 象，ná bē曉判 斷tsit-ê時期？」
Tio̍h Kah控 告祢ê人和解 (太5：25-26)
57「Lín ná會無beh家己判 斷是非？58若有人kā你告去見官 府，iáu tī路裡ê時，tio̍h設 法kah伊和解。若無伊會拖你去見審 判 官，審 判 官會kā你交hō͘法 警，續 落 去法 警會kā你關 落 監。59我kā你講，最 後ê一 錢 五厘若無還清 楚，你絕 對bē-tàng tuì監 裡出 來。」
|
|
|
轉寄