《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 路加福音第十八章

作者 巴克禮普世版小組 2013.08.11

18 寡 婦(kuáⁿ-hū)Kah判 官(phuàⁿ-kuaⁿ)ê譬喻(phì-jū)
1耶穌(iâ-so͘)koh kā門徒(bûn-tô͘)講(kóng)一個(tsi̍t-ê)譬喻(phì-jū)，教示(kà-sī)in tio̍h常 常(siông-siông)祈禱(kî-tó)，m̄-thang厭倦(ià-siān)。2祂(i)講(kóng)：「Tī某一個(bó͘ tsi̍t-ê)城 市(siâⁿ-tshī)有一個(ū tsi̍t-ê)判 官(phuàⁿ-kuaⁿ)，伊(i)無敬 畏(bô kìng-uì)上 主(siōng-tsú)，mā無 尊 重(bô tsun-tiōng)人(lâng)。3 Tī hit-ê城內(siâⁿ-lāi)有一個(ū tsi̍t-ê)寡 婦(kuáⁿ-hū)，常 常(siông-siông)去(khì)tshuē伊(i)講(kóng)：『我(guá)有一個(ū tsi̍t-ê)訴 訟(sò͘-siōng)ê對 頭(tuì-thâu)，求你(kiû lí)替 我(thè guá)主 持(tsú-tshî)公 道(kong-tō)。』4判 官(phuàⁿ-kuaⁿ)真 久(tsin-kú)lóng無(bô)kā伊(i)答 應(tap-ìng)。後來(āu-lâi)家己(ka-kī)想 講(siūⁿ-kóng)：『我(guá)雖 然(sui-jiân)無敬 畏(bô kìng-uì)上 主(siōng-tsú)，mā無 尊 重(bô tsun-tiōng)人(lâng)。5 M̄-koh因為(in-uī)tsit-ê寡 婦(kuáⁿ-hū)常 常(siông-siông)來 攪 擾(lâi kiáu-jiáu)，我(guá)寧 可(lîng-khó)緊來(kín lâi)替(thè)她(i)主 持(tsú-tshî)公 道(kong-tō)，免 得(bián-tit)她(i)koh來(lâi)kā我(guá)kô-kô纏(tîⁿ)。』」6主(tsú)koh講(kóng)：「Lín tio̍h聽(thiaⁿ)tsit-ê不義(put-gī)ê判 官(phuàⁿ-kuaⁿ)所 講(só͘ kóng)ê話(uē)！7何 況(hô-hòng)上 主(siōng-tsú)揀 選(kíng-suán)ê子 民(tsú-bîn)暝日(mê-ji̍t)大 聲(tuā-siaⁿ)對祂(tuì i)哀求(ai-kiû)。上 主(siōng-tsú)kám會(ē)延(iân)tshiân真 久(tsin-kú)tsiah來替(lâi thè)in主 持(tsú-tshî)公 道(kong-tō)？8我(guá)kā lín講(kóng)，上 主(siōng-tsú)會(ē)趕 緊(kuáⁿ-kín)替(thè)in主 持(tsú-tshî)公 道(kong-tō)。總 是(tsóng-sī)人 子(jîn-tsú)來臨(lâi-lîm)ê時(sî)，祂(i)tī世間(sè-kan)kám會看(ē khuàⁿ)tio̍h tsit款(khuán)ê信 心(sìn-sim)？」

法 利賽 派(huat-lī-sài-phài)ê人(lâng)kah抽 稅(thiu-suè)ê人(lâng) 9 耶穌(iâ-so͘)koh再(tsài)對(tuì)hiah-ê看(khuàⁿ)家己(ka-kī)做(tsò)義 人(gī-lâng)koh看 輕(khuàⁿ-khin)別 人(pa̍t-lâng)ê人(lâng)，講(kóng)一個(tsi̍t-ê)譬喻(phì-jū)。10耶穌(iâ-so͘)講(kóng)：「有兩個(ū nn̄g-ê)人(lâng)入去(ji̍p-khì) 聖 殿(sìng-tiān)祈禱(kî-tó)，一個(tsi̍t-ê)是(sī)法 利賽 派(huat-lī-sài-phài)ê人(lâng)，一個(tsi̍t-ê)是(sī)抽 稅(thiu-suè)ê。11法 利賽 派(huat-lī-sài-phài)ê人(lâng)khiā-teh祈禱(kî-tó)講(kóng)：『上 主(siōng-tsú)ah，我(guá)感 謝(kám-siā)祢(lí)，因為(in-uī)我無(guá bô)親 像(tshin-tshiūⁿ)其他(kî-tha)ê人(lâng)貪 財(tham-tsâi)、不義(put-gī)、姦 淫(kan-îm)，mā無(bô)親 像(tshin-tshiūⁿ)tsit-ê抽 稅(thiu-suè)ê。12我(guá)一 禮拜(tsi̍t lé-pài)禁 食(kìm-tsia̍h)兩(nn̄g)pái，koh奉 獻(hōng-hiàn)全 部(tsuân-pō͘)收入(siu-ji̍p)ê十 份 之一(tsa̍p-hūn tsi-it)。』13 M̄-koh hit-ê抽 稅(thiu-suè)ê khiā tuà遠 遠(hn̄g-hn̄g)ê所 在(só͘-tsāi)，連(liân)gia̍h頭(thâu)ǹg天(thiⁿ)都(to)m̄敢(káⁿ)，kan-taⁿ悲 傷(pi-siong)講(kóng)：『上 主(siōng-tsú)ah，憐 憫(liân-bín)我(guá)tsit-ê有罪(ū-tsuē)ê人(lâng)。』14我(guá)kā lín講(kóng)，hō͘上 主(siōng-tsú)赦 罪(sià-tsuē)tńg去(khì)厝 裡(tshù-ni̍h)ê，是(sī)tsit-ê抽 稅(thiu-suè)ê，m̄是(sī)hit-ê法 利賽 派(huat-lī-sài-phài)ê人(lâng)，因為(in-uī)驕 傲(kiau-ngō͘)ê人(lâng)一定會(it-tīng ē)受 降 低(siū kàng-kē)；謙 卑(khiam-pi)ê人(lâng)受提高(siū thê-ko)。」

耶穌(iâ-so͘)祝 福(tsiok-hok)細漢(sè-hàn)Gín-á (太19：13-15；可10：13-16)
15有人(ū lâng)連(liân)細漢(sè-hàn)gín-á mā tshuā來(lâi)，beh hō͘耶穌(iâ-so͘)huāⁿ手(tshiú)。門徒(bûn-tô͘)看(khuàⁿ)tio̍h就(tsiū)kā in責 備(tsik-pī)。16 M̄-koh耶穌(iâ-so͘)叫(kiò)hiah-ê細漢(sè-hàn)gín-á來 講(lâi kóng)：「容 允(iông-ín)細漢(sè-hàn)gín-á來(lâi)我(guá)tsia，m̄-thang kā伊(i)阻 擋(tsó͘-tòng)，因為(in-uī)親 像(tshin-tshiūⁿ)gín-á ê人(lâng)，tsiah ē-tàng成 做(tsiâⁿ-tsò)上 主 國 度(siōng-tsú kok-tō͘)ê子 民(tsú-bîn)。17我(guá)實 在(si̍t-tsāi)kā lín講(kóng)，若無(nā-bô)親 像(tshin-tshiūⁿ)細漢(sè-hàn)gín-á án-ne承 接(sîng-tsiap)上 主 國 度(siōng-tsú kok-tō͘)，絕 對(tsua̍t-tuì)bē-tàng入去(ji̍p-khì)hit-ê國度(kok-tō͘)。」

好 額(hó-gia̍h)ê官 員(kuaⁿ-uân)來見(lâi kìⁿ)耶穌(iâ-so͘) (太19：16-30；可10：17-31)
18 有一個(ū tsi̍t-ê)猶 太 人(iû-thài-lâng)ê官 員(kuaⁿ-uân)來(lâi)問耶穌(mn̄g iâ-so͘)，講(kóng)：「好(hó)ê老師(lāu-su)ah，我(guá)tio̍h án怎(tsuáⁿ)做(tsò)tsiah ē-tàng得(tit)tio̍h永 遠(íng-uán)ê活 命(ua̍h-miā)？」19耶穌(iâ-so͘)kā伊(i)講(kóng)：「你(lí)án怎(tsuáⁿ)稱 呼(tshing-ho͘)我是(guá sī)好(hó)à？上 主(siōng-tsú)以外(í-guā)無一個(bô tsi̍t-ê)是好(sī hó)。20你(lí)當 然(tong-jiân)lóng bat tsiah-ê誡 命(kài-bīng)，就是(tsiū-sī)：M̄-thang姦 淫(kan-îm)，M̄-thang thâi死(sí) 人(lâng)，M̄-thang偷(thau)the̍h，M̄-thang lām-sám做 見 證(tsò kiàn-tsìng)，Tio̍h孝 敬(hàu-kìng)你(lí)ê父母(pē-bú)。」(註(tsù)：申5：16-20；出(tshut)20：12-16) 21 Hit-ê人(lâng)講(kóng)：「Tsiah-ê誡 命(kài-bīng)，我(guá)自(tsū)細漢(sè-hàn)to̍h lóng án-ne teh遵 守(tsun-siú)。」22耶穌(iâ-so͘)聽(thiaⁿ)tio̍h tsiah-ê話(uē)就(tsiū)kā伊(i)講(kóng)：「你(lí)iáu欠(khiàm)一 項(tsi̍t-hāng)，tio̍h去賣(khì bē)你(lí)所有(só͘ ū)ê財 產(tsâi-sán)，來分(lâi pun)hō͘ sàn-tshiah人(lâng)。Án-ne你就(lí tsiū)有積 聚(ū tsik-tsū)財 寶(tsâi-pó)tī天 頂(thiⁿ-tíng)，然 後(jiân-āu)tsiah來(lâi)tuè我(guá)。」23 Hit-ê人(lâng)聽(thiaⁿ)tio̍h tsiah-ê話(uē)真 憂悶(tsin iu-būn)，因為(in-uī)伊(i)真 好 額(tsin hó-gia̍h)。24耶穌(iâ-so͘)看(khuàⁿ)tio̍h hit-ê人(lâng)teh憂悶(iu-būn)就 講(tsiū kóng)：「好 額 人(hó-gia̍h-lâng)beh入去(ji̍p-khì)上 主 國 度(siōng-tsú kok-tō͘)真 困 難(tsin khùn-lân)！25因為(in-uī)駱駝(lo̍k-tô)穿 過(tshng-kuè)針 鼻(tsiam-phīⁿ)，比(pí)好 額 人(hó-gia̍h-lâng)入(ji̍p)上 主 國 度(siōng-tsú kok-tō͘)，iáu khah簡 單(kán-tan)！」26聽見(thiaⁿ-kìⁿ)tsiah-ê話(uē)ê人(lâng)問 講(mn̄g kóng)：「Án-ne，啥 人(siáⁿ-lâng)tsiah ē-tàng得(tit)tio̍h救(kiù)？」27耶穌(iâ-so͘)應 講(ìn-kóng)：「人(lâng)所做(só͘ tsò)bē到(kàu)ê，上 主(siōng-tsú)lóng會(ē)。」28彼得(pí-tik)講(kóng)：「阮(guán)已經(í-king)放(pàng)sak家己(ka-kī)所有(só͘ ū)ê來(lâi)teh tuè祢(lí)。」29耶穌(iâ-so͘)kā in講(kóng)：「我(guá)實 在(si̍t-tsāi)kā lín講(kóng)，人(lâng)若為(nā uī)tio̍h上 主 國 度(siōng-tsú kok-tō͘)來 放(lâi pàng)sak厝 宅(tshù-the̍h)、bó͘、兄弟(hiaⁿ-tī)、父母(pē-bú)，á是(sī)kiáⁿ兒(jî)，30 tī今 世(kim-sè)會得(ē tit)tio̍h幾(kuí)nā倍(puē)ê報賞(pò-siúⁿ)，tī來世(lâi-sè)得(tit)tio̍h永 遠(íng-uán)ê活 命(ua̍h-miā)。」

耶穌(iâ-so͘)第三(tē-saⁿ)Pái預言(ī-giân)祂(i)ê死 亡(sí-bông)kah Koh活(ua̍h) (太20：17-19；可10：32-34)
31 耶穌(iâ-so͘)tshuā十二使徒(tsa̍p-jī sù-tô͘)去(khì)邊(piⁿ)á kā in講(kóng)：「你 看(lí khuàⁿ)，taⁿ咱(lán)beh上(tsiūⁿ) 耶路撒 冷(iâ-lō͘-sat-líng)，先知(sian-ti)所記載(só͘ kì-tsài)關 係(kuan-hē)人 子(jîn-tsú)ê一 切(it-tshè)，lóng會 應 驗(ē ìng-giām)。32祂(i)會(ē)hō͘人(lâng)出 賣(tshut-bē)交(kau)hō͘外 邦 人(guā-pang-lâng)，in會(ē)kā伊(i)恥 笑(thí-tshiò)、侮 辱(bú-jio̍k)、phuì瀾(nuā)。33 In會用(ē īng)鞭(piⁿ)kā祂(i)phah來害死(lâi hāi-sí)祂(i)，第三日(tē-saⁿ ji̍t)上 主(siōng-tsú)會(ē)hō͘祂(i)koh活(ua̍h)。」34 M̄-koh門徒(bûn-tô͘)tuì tsiah-ê tāi-tsì lóng bē了 解(liáu-kái)，tsiah-ê話(uē)hō͘ in感 覺(kám-kak)莫 名(bo̍k-bîng)奇妙(kî-biāu)，in m̄知(tsai)耶穌(iâ-so͘)teh講(kóng)啥 物(siáⁿ-mi̍h)。

耶穌(iâ-so͘)醫好(i-hó)失 明(sit-bîng)ê乞 食(khit-tsia̍h) (太20：29-34；可10：46-52)
35 耶穌(iâ-so͘)teh-beh到(kàu)耶利哥城(iâ-lī-ko-siâⁿ)ê時(sî)，有一個(ū tsi̍t-ê)tsheⁿ-mê-ê坐(tsē)tī路邊(lō͘-piⁿ)teh求 乞(kiû-khit)。36 Hit-ê tsheⁿ-mê-ê聽(thiaⁿ)tio̍h真(tsin)tsē人(lâng)tuì hia經 過(king-kuè)，就 問(tsiū mn̄g)是(sī)啥 物(siáⁿ-mi̍h)tāi-tsì。37人(lâng)kā伊(i)講(kóng)：「拿撒勒 人(ná-sat-li̍k-lâng)耶穌(iâ-so͘)teh-beh tuì tsia經 過(king-kuè)。」38伊(i)就(tsiū)大 聲(tuā-siaⁿ)huah講(kóng)：「大衛(tāi-pi̍t)ê kiáⁿ孫(sun)，耶穌(iâ-so͘)，憐 憫(liân-bín)我(guá)！」39行(kiâⁿ)tī頭 前(thâu-tsîng)ê人(lâng)kā伊(i)責 備(tsik-pī)，叫伊(kiò i)tio̍h恬 恬(tiām-tiām)，m̄-koh伊(i)koh-khah大 聲(tuā-siaⁿ)huah講(kóng)：「大衛(tāi-pi̍t)ê kiáⁿ孫(sun)ah，憐 憫(liân-bín)我(guá)！」40耶穌(iâ-so͘)停 腳(thîng-kha)，叫(kiò)人(lâng)kā伊(i)牽 來(khan lâi)。伊(i)uá來(lâi)ê時(sî)，耶穌(iâ-so͘)問伊(mn̄g i)講(kóng)，41「你(lí)ài我(guá)kā你(lí)做 啥 物(tsò siáⁿ-mi̍h)？」伊(i)就 講(tsiū kóng)：「主(tsú)ah，求你(kiû lí)hō͘我(guá)koh再(tsài)有看 見(ū khuàⁿ-kìⁿ)。」42耶穌(iâ-so͘)kā伊(i)講(kóng)：「好(hó)，hō͘你(lí)koh再(tsài)有看 見(ū khuàⁿ-kìⁿ)，你(lí)ê信 心(sìn-sim)救(kiù)tio̍h你(lí)à。」43伊(i)隨時(suî-sî)看 見(khuàⁿ-kìⁿ)，就(tsiū)tuè耶穌(iâ-so͘)去(khì)，歸 榮 光(kui îng-kng)hō͘上 主(siōng-tsú)。群 眾(kûn-tsiòng)看(khuàⁿ)tio̍h tsit-ê tāi-tsì，lóng o-ló上 主(siōng-tsú)。