《Kahui ê Tâi-bûn Phû-tô-hn̂g》

| | | 轉寄

仙人ê生死之戀 (短篇小說)




Tī tsit-ê sian-kài ū hun 4, 5 ê tsok-kûn, in ū tsi̍t ê thóng-tī ê kun-hông kiò Kong-tshun, i sī tsit-ê sian-kài pōe-hūn siōng koân--ê. I kap i ê ài-jîn ē ū siáⁿ-mi̍h huat-tián neh? Lán khòaⁿ--lo̍h-khì tō bô m̄-tio̍h! Ū tsi̍t-kái, tsit-ê Kong-tshun sèng-siōng i gō͘-hōe i ê ài-jîn tsò pháiⁿ-tāi-tsì. Kā lâng o͘-pe̍h bú-lōa--ê, sī sèng-siōng ê hui, miâ hō-tsò Lē-lē. I sī tsi̍t-ê tsiok hiông-sí ê tsa-bó͘-lâng, siūⁿ tsiok-tse pān-huat beh hāi-sí hit-ê sèng-siong ê ài-jîn A-sò͘. In-ūi i tit-bōe-tio̍h sèng-siōng ê ài, só͘-í tsiah beh hām-hāi A-sò͘.
“A-sò͘, lí ūi-siáⁿ-mi̍h beh tsò tsit-khoán tāi-tsì, tsē ē hông iōng sih-nah tiān lí ê sin-khu, ē hāi lí bô huat-le̍k--ê neh! ”Kong-tshun kóng kah ū kàu siōng-sim--ê, i bô goān-ì i ê bó͘ siū tsit-khoán lêng-tī. “Hó, bô-iàu-kín, góa thè lí siū-tsōe, m̄-koh lí khó-lêng bô-huat-tō͘ koh tòa tiàm tsia ah! ”Kong-tshun siūⁿ-tio̍h tse, siūⁿ-tio̍h bōe-tàng hām i ê khan-tshiú tòa tsò-hóe, tsin-tsiàⁿ tsiok kan-khó͘--ê. “Góa sī hō͘ lâng hām-hāi--ê, sèng-siōng lí mài án-ne tùi-thāi góa, lí tiāⁿ-tio̍h ē hiō-hóe--ê. ”Tsit-ê sèng-siōng tāi-thè in bó͘ siū-tsōe, hō͘ sih-nah tiān, tiān kah kui-ê lâng sèⁿ-miā beh bô--khì-ah!
“Lí tsit-ê tsa-bó͘-lâng koh teh ké-siáu, ha ha ha! Lí mài koh ji̍p-lâi sian-kài ah lah! ”Hit-ê ok-lâng Lē-lē tī hia tshiūⁿ siáu-pô teh tshiò kâng-khoán. Tsit-ê sî-tsūn, in-ūi thian-tiâu ū siá kóng, ài ó͘-khì i ê ba̍k-tsiu. A-sò͘ tī hiah teh tshuah, sèng-siōng ó͘ bōe lo̍h-khì, m̄-koh hit ê lâng tī piⁿ-á teh khòaⁿ, Kong-tshun koh sī sian-kài ê hông-tè, m̄-káⁿ bô tsò, i tō tsí-hó jím-sim ó͘-tiāu A-sò͘ ê ba̍k-tsiu. Hō͘ lâng ó͘-tiāu ba̍k-tsiu ê A-sò͘, i tsai-iáⁿ i ê sim khì--ah! Tō sǹg kóng i piàn-tsò tsi̍t-ê hoân-lâng, mā bô siūⁿ beh koh tshap Kong-tshun sèng-siōng ah!
“In-ūi A-sò͘ piàn-tsò tsit-ê hoân-lâng, i ê kì-tì mā tsha-put-to lóng bô--khì-ah! ” Hit ê Kong-tshun tsū-tsiông hām i ê bó͘ hun-khui, i tō bô sim koh tshap kî-tha ê tāi-tsì ah! Tshōe in bó͘ beh 5、6 pah tang ah, iáu-sī koh tshōe bô lâng, i tsin-tsiàⁿ tsiok tio̍h-kip--ê. Ji̍t-tsí tsit-kang koh tsit-kang án-ne kòe--khì-ah! Sèng-siōng i koh hā-hoân lo̍h-khì tshōe A-Sò͘. Tú-á-hó i khì se̍h tshài-tshī-á khòaⁿ-tio̍h tsit-ê tshēng pe̍h-saⁿ ê tsa-bó͘-lâng, khòaⁿ--khí-lâi kài sêng sī i ê ài-jîn, i iōng siōng-kín ê sok-tō͘ jiok-tio̍h hit-ê lâng.
I khòaⁿ-tio̍h i, tsin-tsiàⁿ tshuah-tsi̍t-tiô, in-ūi i bô khòaⁿ m̄-tio̍h lâng, tō sī in-bó͘, A-sò͘! I tshōe kúi-pah-tang ah, tsóng-sǹg hō͘ i tshōe-tio̍h ah! I ba̍k-sái kiông beh lìn--lo̍h-lâi, m̄-koh in bó͘ A-sò͘ kám-kak i tsiok koài--ê, sī-án-tsóaⁿ kā i tòe-tiâu-tiâu , koh tsi̍t-ê khó͘-kue-bīn, i tsin-tsiàⁿ sa-lóng-bô!
A-sò͘ i tsū-tsiông piàn-tsò tsi̍t-ê hoân-lâng liáu-āu, i tō bōe-kì-tit tsìn-tsêng tī teh sian-kài ê tāi-tsì ah! Hit-ê Kong-tshun sèng-siōng i tō tsiām-sî bô beh tńg-khì sian-kài, beh hām i ê bó͘ tòa tsò-hóe. Tsū tú-tio̍h in bó͘ liáu-āu, tō tòe khì in tau hām i tsò-hóe sing-ua̍h, in-bó͘ mā bô kóng siáⁿ, tō siūⁿ kóng i khó-liân, tō lâu--lo̍h-lâi, m̄-koh 1-tang koh kòe--khì-ah! A-sò͘ kám-kak tsin kî-koài, i sī lóng bô tshin-lâng ah o͘h! Ū tsi̍t-kang tō kā i mn̄g:“Lín tau tī tōe ah? Lí bô tshhin-lâng o͘? Thài-ē lóng beh tòa tī tsia ah! ”
“O͘h!! Lí kî-si̍t tō-sī góa ê tshin-lâng ah! Lán ê tāi-tsì lí sī bōe-kì-tit ah! Góa tshōe lí tshōe hiah-nī kú tsiah tshōe--tio̍h, tong-jiân tsiām-sî tòa teh tsia o͘! ”Kong-tshun ná-káng ná-tshiò. “A-tshun, góa tsai-iáⁿ lí ê miâ ah! M̄-koh lí kóng góa sī lí ê tshin-lâng, lí sī-m̄-sī kì m̄-tio̍h lâng--khì-ah? ”
A-sò͘ kám-kak i teh kóng sńg-tshiò, tō bô siūⁿ hiah-tsē ah! Ū tsi̍t-kang, hit-ê tī thiⁿ-téng hāi A-sò͘ ê ok-hū thàn sèng-siōng bô-tī ê sî-tsūn lâi tshōe i, m̄ tsāi-iáⁿ i bat kā i hāi--kòe. M̄-koh i khòaⁿ-tio̍h i ê bīn, tō kài-sêng siūⁿ-khí tī tōe bat khòaⁿ--kòe, jî-tshiáⁿ i kám-kak tsit-ê tsa-bó͘ m̄-sī siáⁿ-mi̍h hó-lâng! “Lí sī siáⁿ-mi̍h lâng? Lí lâi góa tsia beh tshòng--siáⁿ? ”A-sò͘ bô kheh-khì teh kóng. “Góa sī lí tsìn-tsêng se̍k-sāi ê hó-pêng-iú ah! Khòaⁿ--khí-lâi lí í-king bōe kì-tit góa ah! Kaⁿ-nā siūⁿ beh lâi kā lí kòaⁿ māi leh! ”Lē-lē tshiò kah tsiok ké-sian--ê.
Tsit-ê sî-tsūn,“A-tshun”beh tńg--lâi ah! Hit-ê Lē-lē khòaⁿ m̄-sī-sè, tō kín suan ah! A-sò͘ khòaⁿ Lē-lē ê bīn, tō sī siūⁿ beh khí-lâi tī tōe khòaⁿ--tioh! Jî-tshiáⁿ i ê ba̍k-tsiu tsin súi, tsiok sêng i ê ba̍k-tsiu. I sī jú siūⁿ jú m̄-tio̍h, tō mn̄g Kong-tshun hit-ê tsa-bó͘-lâng ê tāi-tsì, Kong-tshun tsí-sī sió-khóa kóng tsi̍t--ê, mā bô kóng-tio̍h i ê ba̍k-tsiu ê tāi-tsì.
A-sò͘ sim-lāi tō teh siūⁿ, kám-kóng i sī kâng-tóng--ê, tsin-tsiàⁿ m̄-káⁿ koh siūⁿ ah! Sî-kan kòe tsiok kín--ê! 5 tang koh kòe--khì--ah!
“A-sò͘ góa beh tshōa lí tńg-khì sing-ua̍h, hó--bô? ”Tsū A-sò͘ hām i tòa tsò-hóe liáu-āu, i sī tùi i tsiok tah-sim--ê, tō ìn kóng:“ Hó, góa tòe lí khì!” A-sò͘ tsit-má koh bô-huat-tō͘ siūⁿ--khí-lâi i sī sèng-siōng, mā sī i ê ang, m̄-koh tùi i tsiok-hó--ê, i mā bô siūⁿ hiah-tsē ah!
Āu-lâi, A-sò͘ kā Kong-tshun mn̄g, i sī ná kóng ná háu, A-sò͘ tī tsit-ê sî-tsūn siūⁿ-khí tsìn-tsêng tī sian-kài ê tāi-tsì, mā goân-liōng Kong-tshun ah!
Kā i tsih-tsiap tńg--khì liáu-āu, hit-ê ok-hū koh siūⁿ beh hāi i ah!! Kong-tshun siū-khì--ah! Tō kā i sím-phòaⁿ koh kuaiⁿ-ji̍p-khì tōa-lô, éng-oán tī lāi-té sing-ua̍h.
Tsū hit-ê ok-hū Lē-lē kuaiⁿ--ji̍p-khì liáu-āu, sian-kài koh hôe-ho̍k in 2 ê lâng huaⁿ-hí ê ji̍t-tsí!

*刊tī台文罔報NO.303(2019/6月)