受恩蒙福的一生【前期文章索引】

現代化kap理想ê老境2011.02.27

箴言16:31「白髮是榮耀ê冠冕,tī公義ê道上必定ē-tàng得tio̍h。」非常清楚說明了人生得勝ê目標,基督教ê價值tī-tsia,咱人生ê一切,有上帝豐富ê預備,只要你具備信心,伸出信心ê手路接受豐盛ê神恩!

得勝ê人生2011.02.20

人ê希望得勝、成功是事實,可惜teh屬靈ê道路頂kuân,人tiāⁿ-tiāⁿ無願意phah拚追求。約翰kā咱講三條ē-sái行ê路:1)用信仰來追求。 2)用疼ê行為來完成ê人生。3) 把握永遠ê性命價值!

屬上帝ê性命2011.02.13

相信每一個屬上帝ê基督徒ê心中lóng有上帝ê籽,請注意,籽所khǹg ê環境(信仰生活ê自愛),是m̄是保管妥當?是m̄是有濕氣?Kám有通風?籽是m̄是掖tī好土地?掖種了後puh-íⁿ成長ê照顧如何?lóng tio̍h tiāⁿ-tiāⁿ檢測ê。

屬基督ê生活2011.02.06

主耶穌基督既然已經召咱成做聖潔,理想ê存在,咱必須認清屬祂ê生活方式:1)Ài有仁慈寬宏ê心態 2)Hō͘基督ê平安tī咱ê心中作主 3)Hō͘基督ê道理充滿心中 4)Hō͘家己ê生活成做榮耀上帝ê見證。若ē-tàng具備tsit四點一定ē-tàng成做理想ê基督徒。

屬基督ê人生2011.01.30

雖然俗話講:入是糞埽,出mā是糞埽,但是基督徒用待罪之身進入基督ê恩典中,耶穌基督用祂ê寶血kā咱ê罪洗清氣,救贖咱,經過福音ê洗煉,出來ê應該是價值連城ê精金,buē koh是糞埽!

教會ê隱憂2011.01.23

信仰tī時代ê潮流中,不斷會承接真tsē ê挑戰kap危機,基督徒tio̍h用智慧kap信心去克服,將信仰引入美好理想ê境界,tī急變ê社會中發揮信仰ê價值。

Kap上帝同工2011.01.16

總講一句,基督徒mài辜負上帝ê恩典,ài phah拚去追求koh-khah有意義ê人生,實踐保羅教示咱ê功課。

獻身kap事奉2011.01.09

基督徒必須ài謹慎來經營受託ê人生,tī咱事奉主ê生涯中,必須ài會記leh,一定若是主所喜樂ê!

因為你ê存在2011.01.02

人生ê現實比如船tī大海中,基督徒ài tī大船中(社會、世界中)發揮咱存在ê價值kap作用。

有名無實2010.12.26

了解人生ê結局目標是勝利ê人生,只有充實、有內容tsiah ē-tàng成就人生ê勝利。勝利ê人生ē-tàng榮顯主名,hō͘主ê道大大興旺(使徒行傳十九:20),ē-tàng感動人(十九:18),ē-tàng去邪導正(十九:19)。

曠野ê路2010.12.19

基督徒ài體會人生,無可能永遠生活tī舒適ê境況中,有時mā會聽tio̍h上帝ài咱去行曠野之路,過曠野ê生活。Tuì腓利ê信心去學習聽從主旨意ê生活內容,ē-tàng做到án-ne,tī曠野mā會開出結果,曠野就m̄是曠野啊。

聖潔ê教會2010.12.12

:福音ê真理(基督、教會、信仰)無允准虛偽kap欺騙,了解基督徒奉獻ê心態kap發出疼心ê信仰生活!

解開Hō͘伊行2010.12.05

基督徒必須了解咱ê性命是出死入生ê性命,大石已經徙開,人已經出墓,但是你ê性命是m̄是iáu hông縛死?若手脚iáu纏布面iáu包巾,是無法度發揮性命ê價值!

信仰者ê決定2010.11.28

Tsit段聖經確實值得咱深思,「你往西羅亞池內底去洗」,是主耶穌向信伊ê人所講ê話,今á日mā是仝款!咱ài用行動來成全主ê旨意。

信心ê報償2010.11.21

「主ah!我ài看會tio̍h」,看bē-tio̍h是人生ê悲痛,不幸kap悲痛ê化解tī面對耶穌。會記得,tī你到面對耶穌ê路途中,有真tsē障礙物,你必須ài有勇氣克服,tuè tio̍h耶穌,榮耀上帝。「眾人mā kā榮耀歸hō͘上帝」,這是明眼人ê責任。

Tī上帝面前富足2010.11.14

富足tī人生中是一件值得歡喜ê tāi-tsì,普通人tiānn-tiānn用tse來解釋人ê成功,基督徒tī上帝面前ê富足mā是án-ne,希望咱tī上帝面前ê富足是有智慧、信心kap有疼心ê好行為,用tse來解釋基督徒ê信仰生活ê份量。

生存ê空隙2010.11.07

了解咱ê人生是受託ê人生(太25:14-30),善用咱有限ê智慧去成全伊。會記leh,咱人生ê工程必須經過驗收(林前3:12-15)「Tsit-ê世界kap伊siōng ê情慾lóng tio̍h hō͘伊過去,只有若行上帝旨意ê是永遠常存」(約壹2:17)

外貌kap實德2010.10.31

藉tio̍h主耶穌對無花果樹ê比喻,咱基督徒一定ài認清信仰生活ê價值tī toh位,teh重視外表ê現實社會中,基督徒ài成做名符其實,榮耀主名ê真實信徒。

靈巧kap純樸2010.10.24

基督徒必須ài了解,咱ê身分是kuân價贖tńg ê,同時基督徒mā是生活tī現實ê社會中,靈巧kap純樸ê智慧ài如何去撙節,mā是關連tio̍h教會成敗ê因素。

為tio̍h你ê緣故2010.10.17

用約拿ê思想來反省咱ê信仰,你ê人生ê動機beh如何去建立?人kám m̄是指向安穩平順ê目的地mah?是m̄是為tio̍h你ê緣故tsiah發生危機或者問題?Bē-tàng因為你ê緣故tsiah致使上帝ê名受辱Ài謹慎。約拿ê緣故Hō͘大船發生危機。

新ê機會2010.10.10

總講一句,tī人生ê旅途中,上帝不斷ê賜機會hō͘人,面對機會,咱ê表現可能有m̄-tio̍h,但是失敗ê時,ài有憂傷痛悔ê心靈,真誠悔改。因為上帝是無希望任何人滅亡--ê。(以西結十八:13)

Lín厝用啥去Hông看2010.10.03

家庭是見證上帝ê所在,別人tī lín-tau看見什麼?咱ê厝tī人中間誇口什麼?

刺中花2010.09.26

「刺中花」,提醒基督徒對信仰生活ê問題ê koh在認bat、自覺、憂患意識ê建立,kap揹十架ê生活心態,lóng應該去思考--ê。尤其tī現實ê生活中,如何去表現信仰生活,tio̍h-ài有信仰ê智慧kap判斷ê能力!

家庭ê隱憂2010.09.19

結論:1)認清家己現實ê人生狀況。2)用koh-khah tsē ê心思去看家己ê家庭。3)用上帝所賜予你ê智慧kap信仰去經營家己ê厝,hō͘你ê厝成做榮神益人ê所在!

微細ê聲音2010.09.12

活tī雜音真tsē ê現代社會,基督徒ài注意聽,謹慎去聽上帝微細ê聲音,好應付人生ê急需。撒母耳聽了上帝kā伊huah三pái了後,回答上帝講:「請講,僕人敬聽。」

逆說ê真理2010.09.05

絕境逢生ê祕訣是:(一)tú-tio̍h先知。(二)聽從上帝ê話。(三)信仰kap行動。(四)上帝無限ê應允,危機會得thang化解。

智者ê失敗2010.08.29

所羅門ê事實,thang做基督徒ê鑒戒,咱必須明白,智慧ê根源tī上帝,維持好kap上帝ê實在關係是持守智慧ê關鍵,bē-tàng半路斷絕,必須ài繼續,代代傳承hō͘咱ê kiánn孫。若hō͘上帝棄絕,這tio̍h是人siōng大ê失敗。

無愧ê一生2010.08.22

「家家有本難念ê經」,尤其是老大人,m̄-koh「無愧ê一生」是每一個人必須phah拚去經營--ê。Tī急變ê現代社會,老人一定bē-tàng被叫做“老賊”,咱ài發揮老人ê特質,自重自愛,積極主動,tī夕陽無限好ê過程中,無一定是凡事順心,但是咱ài hō͘伊成做「無愧ê一生」。

得勝ê秘訣2010.08.15

用以色列人當時ê狀況,來反省今á日咱ê教會,尤其咱弱小ê教會,koh-khah需要tsit種無分彼此ê心態,以仝步調,同心合意ê心來面對,參與咱ê教會生活,自然是得勝!

一皮袋水2010.08.08

認bat人生ê一皮袋水,不時了解你人生所tsah ê水,phah開心靈之眼,看出救恩ê泉源,kap人生皮袋ê水té hō͘伊滿!Ài會記leh!亞伯拉罕ê上帝是引tshuā、看顧伊ê子民ê上帝!tī絕境去體會、領受恩典ê主!

人虧神補2010.08.01

確立你正確ê人生觀,學習亞伯拉罕ê品德kap信仰ê風度,努力完成tī任何人生過程中,就會領受主悅納ê生活。

墮落ê前兆2010.07.25

基督徒ài認bat清楚咱生活ê性格-肉體現實、心靈永遠,同時tī現實中ài看透你生活中ê一切,tsiah善用主所hō͘你ê智慧來發揮你人生ê內容,克服你ê人生危機!

《受恩蒙福的一生》 編者序2010.07.18

衷心期待讀者用心讀tsit本講道集,hō͘上帝ê話語常常tī咱心中,作咱腳前ê燈、路上ê光來引tshuā照亮,過「受恩蒙福ê一生」來歸榮耀hō͘咱tī天頂ê父。

《受恩蒙福的一生》 楊啟壽牧師 序2010.07.11

期待讀者透過林牧師ê信仰歷程kap長期不斷ê服事,聽tio̍h上帝tī今á日beh賜hō͘咱ê智慧、安慰kap鼓勵。

《受恩蒙福ê一生》林宗要牧師 自序2010.07.04

回顧七十guā年來行過ê道路,任何時刻阮lóng不斷體會tio̍h上主恩典kap賜福滿滿,願阮ē-tàng珍惜上主所賜hō͘阮ê時刻,好好利用阮人生晚境來報答主ê恩典kap賜福,是阮目前所努力ê生活內容。