《台語kah魔術》

| | | 轉寄

八月中秋0815

八月中秋(台語文) 蘇晏德

八月中秋看月娘
Peh-gue̍h Tiong-tshiu khòaⁿ gue̍h-niû
月娘圓圓若像球
Gue̍h-niû îⁿ-îⁿ ná tshiūⁿ kiû
全家來食文旦柚
Tsoân-ke lâi tsia̍h bûn-tàn-iū
逐家歡喜過中秋
Ta̍k-ke huaⁿ-hí kòe Tiong-tshiu

八月中秋人團圓
Peh-gue̍h Tiong-tshiu lâng thoân-îⁿ
月娘圓圓月餅甜
Gue̍h-niû iⁿ-iⁿ gue̍h-piáⁿ tiⁿ
平安喜樂中秋暝
Pêng-an hí-lo̍k Tiong-tshiu mî
逐家耍甲笑微微
Ta̍k-ke sńg kah tshiò-bi-bi

八月中秋放煙火
Peh-gue̍h Tiong-tshiu pàng ian-hóe
囡仔相招覕相揣
Gín-á sio-tsio bih-sio-tshōe
大人啉茶講笑詼
Tōa-lâng lim-tê kóng tshiò-khue
快樂中秋平安過
Khoài-lo̍k Tiong-tshiu pêng-an kòe

八月中秋問嫦娥
Peh-gue̍h Tiong-tshiu mn̄g Siông-ngô͘
天頂敢真有玉兔
Thiⁿ-téng kám tsin ū gio̍k-thò͘
若有阮會足欣慕
Nā-ū goán ē tsin him-bō͘
月娘叫阮用心悟
Gue̍h-niû kiò goán iōng-sim ngō͘