《台語kah魔術》

| | | 轉寄

蕭喻嘉

蕭喻嘉(台語文) Siau Jū-ka (Tâi-gí-bûn)

台文金星蕭喻嘉 Tâi-bûn kim-tsheⁿ Siau Jū-ka
台灣母語的薪柴 Tâi-oân bó-gí ê sin-tshâ
認真骨力好差教 Jīn-tsin kut-la̍t hó tshe-kah
會內事務伊攏擔 Hōe-lāi sū-bū i lóng taⁿ

謙卑好禮袂奸詐 Khiam-pi hó-lé bē kan-tsà
安靜溫柔閣乖巧 An-tsēng un-jiû koh kuai-khá
啥人佮伊攏真合 Siáⁿ-lâng kah i lóng ē ha̍h
大大細細攏真峇 Tōa-tōa sè-sè lóng tsin bā

為著台檢的重擔 Ūi-tio̍h Tâi-kiám ê tāng-tàⁿ
宣傳講甲嚨喉焦 Suan-thoân kóng kah nâ-âu ta
講話溫純閣文雅 Kóng-ōe un-sûn koh bûn-ngá
佮人鬥陣真合含 Kah lâng tàu-tīn tsin ha̍h-kâⁿ

研習進修伊上早 Gián-si̍p tsìn-siu i siōng-tsá
恬恬聽課攏袂吵 Tiām-tiām thiaⁿ khò lóng bē-tshá
伊是母語的紅霞 I sī bó-gí ê âng-hâ
未來台語的燈塔 Bī-lâi Tâi-gí ê ting-thah