台灣人e5先覺─黃彰輝傳【前期文章索引】

編後語2009.06.07

讀了黃彰輝牧師ê《回憶kap回顧錄》,深感伊對台灣鄉土愛ê真摯kap台灣人ê信心ê深切,koh-khah湧起對恩師ê愛慕kap尊敬。

黃彰輝牧師年譜2009.05.31

1914 8月20日 tī台灣彰化市出世。

黃彰輝牧師言錄2009.05.24

黃彰輝牧師ê一生是奔走、旅行、協議、演講等等,連續不斷ê廢寢忘食,正如伊tī高等學校時代,一加入腳球團隊,就成做隊內tī球賽時ê動力中心,帶hō͘觀眾無間斷ê『ah!嘩!讚!』等等叫好歡呼。

晚年ê活動2009.05.17

tuì 1979年8月退休以後,除lah為神學教育,普世教會聯絡、交誼、受託出動,mā為台灣人民ê自決kap將來奔走外出以外,黃彰輝lóng是留tī厝內。

普世教協神學基金會主任2009.05.10

黃彰輝辭去了台南神學院,就到英格蘭。伊ê新職務是tī普世教協會內ê神學教育基金會擔任副主管。M̄-koh伊ê辦事處是由伊家己選擇ê地點,工作方式kap職務分配,除了駐tī紐約ê主任(白人)以外lóng由伊負責。

Tī台灣成長ê家族2009.05.03

1947年當黃彰輝一家三人踏上台灣ê土地ê時,伊可能未全然準備好去承擔khǹg tī面頭前ê挑戰。Kan-tāⁿ有兩歲ê大衛,tsiah teh操練一kuá單語ê發音,iáu無學習怎樣貯藏由記憶得來ê知識去比較台灣kap英格蘭ê情況。

1954年普世教會協會總會2009.04.26

Dr. Van Dusen ê建議是,神學院應該成做大學ê一部份,但是伊kap黃彰輝無仝意見ê所在,是黃彰輝認為tī日本統治台灣ê殖民時代,就m̄准台灣人有家己ê學校來決定台灣人家己ê將來,tsin-má國民黨tī台灣ê殖民政策下,mā無願意hō͘台灣人家己有啟蒙教育kap統治管理ê學校,進而允准台灣人家己對未來有自決ê意識。

戰後專程tńg來國內2009.04.19

二次大戰tī 1945年結束,黃彰輝繼續留tī英格蘭兩年。英國雖然phah敗德國,但是伊所受ê損傷非常大,尤其是首都倫敦,受tio̍h德國kui-nā-nî ê空襲kap無駕駛人ê飛機轟炸,差不多lóng化做焦土。

世界基督教青年大會2009.04.12

Tsit-pái ê會議,德國無派代表參會,仝年9月,因為德國進軍佔領波蘭,英國kap其他盟國向希特勒ê德國宣戰,爆發世界第二pài大戰。Tsit-ê會議,ē-sái講是huē-tsê世界基督教青年組織tī戰前開ê siōng有意義ê世界性會議。

衣錦回鄉時ê m̄甘願事件2009.04.05

我感覺真自傲,出身tī台灣ê台灣人,tī學業上tsiaⁿ-tsió有tsit種輝煌ê榮譽kap成就。Tī我未來ê前途,有一個tsiaⁿ hō͘人歡喜koh罕有ê機會teh等我,過幾koh月後,我tio̍h計劃留學英國劍橋大學。

黃彰輝tī東京帝國大學(東大)2009.03.29

日本所有ê學校,lóng是4月1日開學。Tuì án-ne黃彰輝提早tī 1934年3月,就到東京,到附近ê東大基督教青年會報到入來tuà。所以伊到帝國大學註冊ê時tsūn,伊塡ê地址為『基督教青年會學寮』。

青山學院ê少年留學生2009.03.22

 少年黃彰輝讀了三年ê中學,就感受到生做台灣人ê悲哀。雖然長老教中學(簡稱長中)是台灣siōng早、siōng優秀ê中學,tī殖民地政策之下,無法度直接報考高等學校,ia̍h-sī專門學校,mā無升學ê機會。

三代黃牧師ê比較2009.03.15

台灣人平常lóng講,基督教是洋教。17世紀以後ê基督教是經由西洋人傳過來,tuì án-ne ê歷史觀點看起來,這是事實。m̄-koh,黃能傑hit代ê基督徒,kan-tānn si̍k-sāi基督ê宗教,根本m̄知基督有什麼『洋不洋』。

黃家三代牧師kap台灣2009.03.08

tī台灣,為tio̍h beh對付壓制人民400年ê外來政權,thang講是由宗教家借tio̍h上帝所賦予心靈ê力量kap勇氣,去幫助改革舊ê專制kap壓迫ê政權,koh換來新ê民主。這是台灣宗教歷史ê頭tsit-pái,mā是宗教家黃彰輝所留hō͘伊ê學生kap後輩ê典範。

台灣人ê先覺-黃彰輝 目錄2009.03.01

台灣人ê先覺-黃彰輝 目錄

自序 黃彰輝牧師kap我2009.02.22

我深深感覺tio̍h伊向台灣人ê良知有非常響ê呼召,伊ê神學理念養飼阮ê台灣意識kap自愛,因為伊所行ê路,所講ê話語是充滿tio̍h愛kap希望..ê。黃牧師不愧是台灣人ê第一位牧師先知,mā是第一位模範導師。

張德香牧師 序2009.02.15

Tī神ê恩典下,hō͘《台灣人ê先覺-黃彰輝》kap黃彰輝牧師ê英文「回憶錄」(Recollections and Reflections,安慕理編、序)ê讀者ē-sái共享十字架苦難、死、復活ê基督信仰生活生涯,koh得tio̍h上帝子女榮光ê自由幸福平安。

懷念恩師黃彰輝牧師2009.02.08

黃彰輝牧師tī 1947年9月uì英國tńg來國內,1948年開始tī長榮中學擔任聖經kap英語教師,明年9月按立牧師koh就任台南神學院第三任院長。伊是頭一位擔任台南神學院院長ê台灣本土人。

追憶黃彰輝牧師2009.02.01

Tī我ê人生內底,影響我siōng深ê一位牧師tio̍h是黃彰輝牧師。伊留落來hō͘我tī教育領域各方面tsiâⁿ-hó ê典範,成做我一生常存ê記憶,tû-liáu佩服koh有深深ê鼓勵。

黃伯和牧師 序2009.01.25

彰輝牧師ê一生ē-sái講是一pak所有台灣人ê心路歷程ê縮影,是台灣教會宣教歷史ê張本,mā是台南神學院神學教育ê藍圖。願伊ê出版彰顯上帝ê榮耀,引tshuā後輩ê腳蹤。

黃彰輝kap神學教育基金2009.01.18

有伊 tsit種頂司兼好友,我感覺tio̍h非常ê光榮。tsiaⁿ-tsē kap伊接觸過ê人,lóng kap我仝款因為伊來改變了人生。

懷念自決大師黃彰輝博士2009.01.11

咱懷念黃彰輝博士,因為伊提醒咱真心反省神hō͘世人自決權ê原始目的,這目的當然包括要求咱去作一個有愛、有道德使命,koh愛護真理ê人。

著者紹介(封面前內kap後外)2009.01.04

阮深深相信tsit本冊一定ē-tàng帶hō͘台灣ê神學人,成做神學研究ê典範,mā ē-tàng激勵台灣教會宣教到taⁿ iáu-buē完成ê台灣自決運動注一支強心ê射。