《聖經故事三字詩》

 | | | 轉寄

1. Tshòng-Sè....創世

作者 Tân tshing-tsùn 2008.10.05

Ki̍k khí tsho͘, thiⁿ tē o͘,
極起初，天地烏

Tsin it sîn, tsō tshiⁿ-sîn,
真一神，造星辰，

Ji̍t-ge̍h ūn, tiù-iā pun,
日月運，晝夜分，

Hái-lio̍k bîng, hue-tsháu sing,
海陸明，花草生，

Tshiū-ba̍k sīng, ké-tsí sîng;
樹木盛，果子成；

Hî-hê siû, Pē-tsiáu tsiu,
魚蝦泅，飛鳥啁，

Khun-thiông liu, tsáu-siù iû;
昆蟲遛，走獸遊；

La̍k kang kàu, lâng tsuè-āu,
六工到，人最後，

Lâm ko͘-tuaⁿ, lú tsuè phuāⁿ,
男孤單，女做伴，

Hing khui-khuah, gîm si-kua,
胸開闊，吟詩歌，

Lo̍k-hn̂g tuà, tsin khuàiⁿ-ua̍h;
樂園住，真快活；

Thàu-tsá líng, ē-hng tsīng,
透早冷，下昏靜，

Tiong-tàu tshing, àm-mî îng;
中晝清，暗冥閒；

Tshit an-hioh, sim-sin sioh,
七安息，心身惜

Ú-tiū tio̍h, kng-liōng tsiò,
宇宙著，光亮照，

Kim gûn hio̍h, tâng thih tsio̍h,
金銀葉，銅鐵石，

Saⁿ-kap tsio, tsāi lí khioh,
相佮招，隨你拾，

Tshut siaⁿ kiò, bīn-iông tshiò.
出聲叫，面容笑。