《聖經故事三字詩》

| | | 轉寄

12. Uan-óng .... 冤枉

Tsāi-sik-lú, kìng-uì Tsú,
在室女,敬畏主,
Siōng-tè sù, huâi-īn ū,
上帝賜,懷孕有,
Sim teh siūⁿ, beh tsáiⁿ-iūⁿ?
心在想,要怎樣?
Khó͘ kiam siu, guān sîng-siū.
苦兼羞,願承受。

Bī-hun-hu, sim tsu-tsu,
未婚夫,心茲茲,
Pháiⁿ lú-tsú, hun ài tû,
歹女子,婚愛除,
Bāng tiong gū, thiⁿ hîng-sú,
夢中遇,天行使,
Bîng-pi̍k sū, tîng khó-lū.
明白事,重考慮。

Má-lī-a, é-káu kā
馬利亞,啞口咬
Tam hîm-táⁿ, khó͘ tah-tah,
啖熊膽,苦tah-tah,
Tshuì bô ta, tshiú bô sa,
嘴無ta,手無sa,*
Uan-óng tàⁿ, tsin oh taⁿ.
冤枉擔,真難擔。

Uan-óng sū, khó͘ tshe sū,
冤枉事,苦差事,
Sî-siōng ū, kau-thok Tsú,
時常有,交託主,
An sim-su, tsān tuì-hù,
安心思,贊對付,
Sî-kan kú, tsin-si̍t phû.
時間久,真實浮。

* ta:誇, ta-ta-kiò 呱呱叫; sa:拿, sa mi̍h-kiāⁿ 抓東西;
嘴無ta,手無sa, Piáu-sī giân-hîng tsìng-ti̍t(表示言行正直)