《聖經故事三字詩》

| | || 轉寄

13. Siú-tsiat .... 守節

Í-sik-lia̍t, tsin ti̍k-pia̍t,
以色列,真特別,
Puâⁿ-kè-tsiat, Siōng-tè siat,
攀過節,上帝設,
Thâu-siⁿ bia̍t, tshiú-tuāⁿ lia̍t?
頭生滅,手段烈?
Mn̂g kô͘ hiat, tit hun-pia̍t.
門糊血,得分別。

Tsia̍h iûⁿ-bah, khó͘-tshài kah,
食羊肉,苦菜夾,
Khiā siōng ha̍h, tsiah kàu tah,
企上合,食到底,
Bô tsham kàⁿ, io-tuà hâ;
無參麴,腰帶縖;

Huih buah mn̂g, pó-miā tsn̄g,
血抹門,保命狀,
Thuân-îⁿ pn̄g, thuân kú-tn̂g,
團圓飯,傳久長,
Kiáⁿ-sun mn̄g, Sîn un sǹg,
子孫問,神恩算,
Tshut-kiâⁿ hn̄g, bô tò-tńg,
出行遠,無倒返,
Lô͘-sìng tn̄g, tsū-iû kng.
奴性斷,自由光。

Thiⁿ sú-tsiá, phiàn-tē kiâⁿ,
天使者,遍地行,
Sí tuā-kiáⁿ, tshám khàu-siaⁿ,
死大子,慘哭聲,
Ai-ki̍p kiaⁿ, pàng in kiâⁿ,
埃及驚,放尹行,
Siōng-tè siaⁿ, tsai-lān tiāⁿ;
上帝聲,災難停;
Kè khòng-iá, sin sìⁿ-miā,
過曠野,新性命,
Tio̍h phah-piàⁿ, tsun Tsú miâ.
著打拼,尊主名。